ڕێکارەکانی دابەشکردنی زەوی دەستیپێکرد

ئاڤا نیوز

 

وەزارەتی شارەوانی و گەشتوگوزار یەکەم کۆبوونەوە لەبارەی دابەشکردنی زەوی بەسەر فەرمانبەران دەکات، بەمەبەستی دۆزینەوەی میکانیزمێک بۆ دابەشکردنی. 

 

چیرۆکی سەرەکی: وزیری شارەوانی و گەشتوگوزاری هەرێمی کوردستان لەگەڵ بەڕێوەبەری گشتیی شارەوانییەکان و سەرۆکی شارەوانیەکانی شار و شارۆچکەکانی هەرێمی کوردستان و بەڕێوەبەری نەخشەدانان لەکۆبوونەوەیە، میکانیزمەکانی دابەشکردنی زەوی هەنگاوی بۆ دەنرێت و لەسەرجەم ناوچەکان، 200 هەزار کەس لەو خزمەتگوزارییە سوودمەند دەبن.

 

لێدوانی فەرمی: "دوای تەواوکردنی لیستی ناوی فەرمابەرانی شایستە و تەواوبوونی ڕێکارەکان دەست بەدابەشکردنی زەوی بەسەر فەرمانبەرانی هەمیشەیی و گرێبەست دەکرێت. 
چواس عەبدولهادی، بەڕێوەبەری گشتیی نەخشەدانانی ئاوەدانی هەرێمی کوردستان لە وەزارەتی شارەوانی ئەوەی بە ئاڤا نیوز ڕاگەیاند

 

زانیاریی زیاتر: لە کۆبوونەوەکە میکانیزمەکانی دابەشکردنی زەوی لەڕووی تەکنیکی و هونەری و نەخشەسازی هەنگاوی بۆ دەنرێت.
چواس عەبدولهادی ئەوەشی گوت.

 

ئەوەی پێویستە بیزانیت: دوای 18 ساڵ ڕاگرتنی دابەشکردنی زەوی بەسەر فەرمانبەران، بە بڕیاری سەرۆکوەزیران بارزانی پڕۆسەکە دەستپێدەکاتەوە مەرجی سەرەکی ئەوەیە پێشتر فەرمانبەر لە وەرگرتنی زەوی و یەکەی نیشتەجێبوون سوودمەند نەبووبێت.