مەسرور بارزانی پێشانگەی نێودەوڵەتی بازرگانی لە زاخۆ دەکاتەوە

ئاڤا نیوز

سەرۆکوەزیران مەسرور بارزانی، لە چوارچێوەی سەردانەکەی بۆ زاخۆ یەكەم پێشانگەی نێودەوڵەتی بازرگانی لەو شارە دەكاتەوە، کە زیاتر لە 100 کۆمپانیا بەشدارن و بەرهەمەکانیان پێشکەش دەکەن.

چیرۆکی سەرەکی: سەرۆکوەزیران مەسرور بارزانی، لە چوارەم ساڵیادی ئیدارەی سەربەخۆی زاخۆ ئامادە دەبێت، ژمارەیەک پڕۆژەی گرنگ دەکاتەوە، کردنەوەی پێشانگەی نێودەوڵەتی بازرگانی لەچوارچێوەی ئەجێندای کارەکانی دەبێت، لەو پێشانگەیە سەدان هەلی کار دەڕەخسێنرێن.

لێدوانی فەرمی: لەتیف عوسمان، سەرۆکی ژووری بازرگانی زاخۆ بە ئاڤای گوت، "زیاتر لە 100 کۆمپانیا  کە خۆی لە گەشتوگوزار، بازرگانی، کۆمپانیای خۆراک دەبێنێتەوە بەشدارن و بەرهەمەکانیان پێشکەش دەکەن، سەدان هەلی کار بۆ گەنجان دەڕەخسێنن."

زانیاریی زیاتر: بەگوتەی سەرۆکی ژووری بازرگانی زاخۆ، لەو پێشانگانەیە سەدان جۆری بەرهەمی کۆمپانیاکان نمایش دەکرێن و چاوەڕواندەکرێت 10 هەزار کەس بەشداری بکەن.