شاخەوان عەبدوڵڵا: ڕێککەوتن بۆ خەرجکردنی مووچەی فەرمانبەرانی هەرێمی کوردستان کراوە

ئاڤا نیوز


جێگری سەرۆکی پەرلەمانی عێراق ڕایگەیاند، ڕێککەوتنی نێوان هەولێر و بەغدا لەسەر نەوت و داهاتی نانەوتی کراوە، هاوکات ڕێککەوتنیش کراوە مووچەی فەرمانبەرانی هەرێمی کوردستان خەرج بکرێت.

وێنە گەورەکە: پرسی هەناردەکردنەوەی نەوتی کوردستان و ناردنی داهاتی نانەوتی بۆ حکومەتی فیدراڵ دوو بەربەستن لەبەردەم نەناردنی شایستەی دارایی مووچەخۆرانی هەرێمی کوردستان لەلایەن بەغداوە، ئێستا بەرپرسانی هەردوولا باس لەوەدەکەن ڕێککەوتن هاتووەتە ئاراوە و چارەسەربوونی تەواوی گرفتەکان نزیکە. 

لێدوانی ڕۆژنامەوانی: شاخەوان عەبدوڵڵا، جێگری سەرۆکی پەرلەمانی عێراق لە کەرکووک بە ڕۆژنامەنووسانی ڕاگەیاند، ڕێککەوتن لەسەر داهاتی نەوتی و نانەوتی لەنێوان هەرێمی کوردستان و حکومەتی عێراق، ڕێککەوتنیش کراوە مووچەی فەرمانبەرانی هەرێمی کوردستان خەرج بکرێت، بۆیەش گرنگە لە چەند ڕۆژی داهاتوودا ڕێککەوتنەکان جێبەجێبکرێن.

وتیشی، پرۆپۆزەڵی ڕێککەوتنی نەوت لەنێوان عێراق و تورکیا تەواوبووە بۆ گواستنەوەی نەوتی هەرێمی کوردستان و هەناردەکردنی لە ڕێگەی بەندەری جەیهانی تورکیاوە، "ئەوەشی ماوەتەوە پابەندبوونێکی ئەخلاقی و یاسایی حکومەتی عێراقە بەرامبەر ڕێککەوتنەکە و بڕیاری ناردنی مووچەی دوو مانگ بدات".