خامنەیی: ئیسرائیل پەشیمان دەكەینەوە

ئاڤا نیوز

 

كاردانەوەكان لەبەرامبەر كوشتنی چەند بەرپرسێكی سەربازی ئێران لەلایەن ئیسرائیلەوە لە سووریا بەردەوامە و ڕێبەری باڵای ئیسلامی ئێران دەڵێت "تۆڵە دەكەینەوە".

 

وێنە گەورەكە: كاتژمێر 05:00ـی ئێوارەی ڕۆژی دوو شەممە 01-04-2024، فڕۆكەیەكی سەربازی ئیسرائیل بە شەش مووشەک باڵەخانەی باڵیۆزخانەی ئێرانی كردە ئامانج و بەهۆیەوە فەرماندەیەكی باڵا و پێنج ئەفسەری پلەبەرزی سوپای پاسداران كوژران، ئەمەش كاردانەوەی تووندی ئێرانی لێکەوتەوە. 

 

لێدوانی فەرمی: عەلی خامنەیی، ڕێبەری باڵای كۆماری ئیسلامیی ئێران ڕایگەیاند: تۆڵەی هێرشەكەی دوێنێ ئێوارەی سووریا لە ئیسرائیل دەكەینەوە و ئەو وڵاتە لەو كارە پەشیمان دەكەینەوە و ئەم هێرشە بێ وەڵام نابێت.

 

باگگراوند: لە سەرەتای دەستپێكردنی شەڕ لەنێوان گرووپە چەكدارەكان و سوپای ئیسرائیل لە كەرتی غەززە، ئیسرائیل زیاتر لە 10 جار بنكە و بارەگاكانی سوپای پاسدارانی لە سووریا بۆردوومان كردووە و چەندین بەرپرسی كوشتووە.