بەڕێوەبەری بانکە بازرگانییەکان: تاوەکو ئێستا بەغدا پارەی هێزە ئەمنییەکانی نەناردووە

ئاڤا نیوز

 

بەڕێوەبەری بانکە بازرگانییەکان بە ئاڤا نیوزی ڕاگەیاند، تاوەکو ئێستا بەغدا پارەی هێزە ئەمنییەکانی نەناردووە، بۆ ناردنیشی وەزارەتی دارایی و بانکی ناوەندی لقی – هەولێر لە کاتی ناردنی پارەکە ئاگادار نەکراونەتەوە. 

 

وێنە گەورەکە: وەزارەتی دارایی عێراق بەشێوەی پچڕ پچڕ پارەی مووچەی مانگی دووی خستووەتە سەر هەژماری بانکیی هەرێمی کوردستان، تاوەکو ئێستا 600 ملیار دیناری ناردووە، بەشی پێشمەرگە و هێزە ئەمنییەکانی نەخستووەتە سەر هەژمارە بانکییەکە.

 

لێدوانی فەرمی: مەولوود سابیر، بەڕێوەبەری بانکە بازرگانییەکان بە ئاڤا نیوزی گوت: "بەغدا پارەی هێزە ئەمنییەکانی نەناردووە، بۆ ناردنیشی پێویستە وەزارەتی دارایی و بانکی ناوەندیی عێراق لقی - هەولێر لە کاتی ناردنی پارەکە ئاگادار بکاتەوە، بەڵام ئاگاداری نەکردووەنەتەوە بە واتای ئەوەی پارەکە نەخراوەتە سەر هەژماری بانکیی هەرێمی کوردستان."

 

ئەوەی پێویستە بیزانیت: سەرەڕای نەناردنی بەشی مووچەی هێزە ئەمنییەکان، بەگوێرەی خشتەی وەزارەتی دارایی هەرێمی کوردستان، ئەمڕۆ و سبەی دیوانی وەزارەتی پێشمەرگە، لیواکان، زێرەڤانی، یەکەکانی هەشتا و حەفتا مووچەی مانگی دوو وەردەگرن.