لێکتێگەیشتنی سەرۆکوەزیران بارزانی و سوودانی: کێشەی مووچە چارەسەر دەکرێت

ئاڤا نیوز

 

سەرۆکوەزیران بارزانی بەڵێنێکی دیکەی جێبەجێ کرد و کێشەی مووچەی لەگەڵ سوودانی چارەسەر کرد، لە یەکەم هەنگاودا بڕیارە بەغدا بەزووترین کات مووچەی مانگی سێ بنێرێت.

 

وێنە گەورەکە: لە دوای بڕیاری دادگەی فیدراڵی لەبارەی مووچە، سەرۆکوەزیران بارزانی بەردەوام لەگەڵ سەرۆکوەزیرانی عێراق لەسەر هێڵ بووە و هەوڵی چارەسەرکردنی کێشەکەی داوە. 

 

زانیاریی بەدەستهاتوو: دوێنێ شەو سەرۆکوەزیران بارزانی و  محەممەد شیاع سوودانی، سەرۆکوەزیرانی عێراق گەیشتوونە ڕێککەوتن بۆ چارەسەرکردنی کێشەی مووچە بەیەکجاری.

 

ئەوەی پێویستە بیزانیت: هەر دوێنێ شەو، شاندێکی هەرێمی کوردستان بە سەرۆکایەتیی وەزیری دارایی سەردانی بەغدای کرد بۆ جێبەجێکردنی ئەو لێکتێگەیشتنەی هەردوو سەرۆکوەزیران لەسەری ڕێککەوتوون.

 

باکگراوند: لە کەرنەڤاڵی جەژنی نەورۆز لە ئاکرێ، سەرۆکوەزیران بارزانی مژدەی بە خەڵکی کوردستان دا لە چەند ڕۆژی داهاتوودا کێشەی مووچە لەگەڵ حکومەتی عێراق چارەسەر دەکرێت.