دوای بەدواداچوونێكی ئاڤا چەند شوێنێکی قەزای خەبات پاک کرانەوە

ئاڤا نیوز

لەماوەی ڕابردوو لەسەر داواکاریی هاووڵاتیان ئاڤا بەدواداچوونی بۆ چەند شوێنێک کرد لە سنووری قەزای خەبات لە پارێزگای هەولێر کە ببوونە هۆی بڵاوبوونەوەی نەخۆشی و بێزارکردنی هاووڵاتیان، ئەمڕۆ شوێنەکان پاك كرانەوە.

چیرۆکی سەرەکی: لەماوەی ڕابردوو دانیشتووانی گەڕەکی ئاشتی لە قەزای خەبات، بەهۆی کۆبوونەوەی ڕێژەیەکی زۆری زبڵ و خاشاک و نەبوونی ڕێڕەوی ئاوەڕۆ داوایان لە ئاڤا کرد دەنگیان بە لایەنی پەیوەندیدار بگەیێنێت بۆ چارەسەرکردنی ئەم کێشەیە، کە برهۆی کۆبوونەوەی ئاوی هەموو خەبات لەو گەڕەکە بۆنێکی زۆر ناخۆش بڵاوبووەتەوە، تەنانەت چەند كەسێكی دانیشتووی نزیك لەو ناوچانەش بەو هۆیەوە تووشی چەند جۆرێكی نەخۆشی بوونە.

لێدوانی فەرمی: کوێستان ئەحمەد، قایمقامی قەزای خەبات، بە ئاڤای ڕاگەیاند، هەموو ڕێوڕەکان و دۆڵی هەنجیرۆک بە درێژی شەش کیلۆمەتر پاک دەکرێتەوە، هاوکات پرۆسەی پاککردنەوەی گوندەکانی باستام و چەمەدووبز و مەلاعومەر، هەموو ئەو شوێنانەی سەنتەری خەبات دەستیپێکردووە، بەهۆی پاککردنەوەی ئەم ڕێڕەوانە ناوچەکە پاک دەبێتەوە لە زبڵ و خاشاک و بۆنی ناخۆش، هاوکات لە لافاو پارێزراو دەبن.