وەزارەتی دارایی لە بارەی مووچە: كۆبوونەوەكان لەگەڵ بەغدا سەركەوتوو بوون

ئاڤا نیوز

 شاندی هەرێمی كوردستان لە بەغدا گەڕانەوە و دەڵێن "كۆبوونەوەكان لەبارەی بودجە و مووچە لەگەڵ حكومەتی عێراق سەركەوتوو بوون".

ڕاگەیێنراوی فەرمی: وەزارەتی دارایی و ئابووری هەرێمی کوردستان بڵاوی کردووەتەوە: دوای ئەنجامدانی چەندین كۆبونەوەی گرنگ و سەركەوتوو لەگەڵ لایەنە پەیوەندیدارەكانی حكومەتی عێراق، شاندی هەرێمی كوردستان كۆتایی بە سەردانەكەی بۆ بەغدا هێناو گەڕایەوە هەولێر.

 

زانیاریی زیاتر: کۆبوونەوەکان تایبەت بوون بە پرسی بودجە و مووچەی فەرمانبەران و مووچەخۆرانی هەرێمی كوردستان، چارەسەركردنی مووچەی پێشمەرگە و هێزە ئەمنییەكان و تەواوكردنی ڕێكارەكانی ناردنی مووچەی مانگی سێ.  

ئەوەی پێویستە بیزانیت: دوێنێ شەو سەرۆکوەزیران بارزانی و سوودانی بۆ چارەسەرکردنی کێشەی مووچە بەیەکجاری ڕێککەوتن، هەر دوێنێ شەو شاندێکی هەرێمی کوردستان سەردانی بەغدای کرد بۆ جێبەجێکردنی ئەو لێکتێگەیشتنەی هەردوو سەرۆکوەزیران لەسەری ڕێککەوتوون.

ئەمەش بزانە: لەم دوو ڕۆژەدا دابەشکردنی مووچەی مانگی شوبات کۆتایی دێت و هەوڵ دەدرێت بەر لە جەژن، دەست بە دابەشکردنی مووچەی مانگی سێ بکرێت.