مووچەی هێزەکانی وەزارەتی ناوخۆ زیاد دەكرێت

ئاڤا نیوز

  
مووچەی هێزەکانی وەزارەتی ناوخۆی حکومەتی هەرێمی کوردستان زیاد دەكرێت و لەم مانگەوە خەرج دەکرێت.

بۆچی گرنگە: بەگوێرەی خشتەی وەزارەتی دارایی ئەمڕۆ مووچەی هێزەکانی زێرەڤانی، بەرگری فریاکەوتن، یەکەکانی 80 و  70، پۆلسیی دام و دەزگا نەوتییەکان دابەش دەکرێت، ئەو پارەیەی زیاکراوە بۆ هێزەکانی وەزارەتی ناوخۆ وەریدەگرن.

وێنە گەورەکە: لەسەر ڕاسپاردەی سەرۆکوەزیران بارزانی، بڕی 125 هەزار دینار بۆ مووچەی هێزەکانی وەزارەتی ناوخۆ (زێرەڤانی، هێزی بەرگری و فریاکەوتن،  پۆلیسی ناوخۆ و پۆلیسی دامودەزگاکانی نەوت) زیاد دەكرێت.

زانیاریی تایبەت: ئاڤا نیوز لە سێ سەرچاوەی وەزارەتی ناوخۆ هەواڵەکەی پشتڕاست کردەوە، لەم مانگەشەوە بڕی مووچەی زیادکراویان بۆ خەرج دەکرێت.

ئەوەی پێویستە بیزانیت: دوێنێ وەزارەتی دارایی زیاتر لە 350 ملیار دینار لەو بەشەی مووچەی مانگی شووبات کە بەشی ‌هێزە ئەمنییەکان و سەرۆکایەتییەکان بوو و  نەنێردرابوو، خستییە سەر هەژماری بانکی هەرێمی کوردستان.