بەشی پزیشکی لە زانکۆی هەڵەبجە دەکرێتەوە

ئاڤا نیوز

زانکۆی هەڵەبجە بەشی پزیشکی دەکاتەوە و خوازیاران دەتوانن لە سێ ڕۆژی داهاتوودا سەردانی زانکۆکە بکەن و فۆرمی داواکری وەرگرتن پێشکەش بکەن.

چیرۆکی سەرەکی: بۆ ئەمساڵی خوێندن بۆ یەکەمجارە زانکۆی هەڵەبجە بەشی پزیشکی دەکاتەوە و دەرچووانی بەشی زانستیی پۆلی 12 دەتوانن داواکاری وەرگرتن پێشکەش بکەن، بەمەرجێک نمرەیان لە 93 بەسەرەوە بێت.

ڕاگەیێنراوی فەرمی: زانکۆی هەڵەبجە بڵاویکردووەتەوە: فەرمانی کردنەوەی بەشی پزیشکی لە زانکۆی هەڵەبجە دەرچووە، ئەو دەرچووانەی پۆلی 12ـی ئامادەیی خوازیارن لەو بەشە بخوێنن دەتوانن لە ڕۆژانی سێشەممە تا پێنجشەممە 21 تا 24-10-2025، لە کاتژمێر نۆی بەیانی بۆ یەکی دوای نیوەڕۆ، سەردانی سەرۆکایەتیی زانکۆ بکەن بەمەبەستی وەرگرتنی فۆڕمی پێشکەشکردنی داواکاری.

ئەوەی پیویستە بیزانیت: مەرجی وەرگرتنی فۆڕم بۆ ئەو دەرچووانەیە کە کۆنمرەیان لە 93 زیاترە.

ئەمەش بزانە: بۆ وەرگرتنی فۆڕم پێویستە قوتابی لە زانکۆی ناوبراو ئامادەبێت، کارتی نیشتمانی و ناوی بەکارهێنەر و تێپەڕە وشەی زانکۆلاینی پێبێت.