ئاکپارتی چەند بەرپرسێک لە پۆستەکانیان دووردەخاتەوە

ئاڤا نیوز 

ئاکپارتی "پارتی دەسەڵاتداری تورکیا" هەنگاوەکانی چاکسازی نێو پارتەکەی دەستپێکردووە، ئاڤا زانیویەتی چەند بەرپرسێکی ئاکپارتی لە پۆستەکانیان دوورخراونەتەوە، هۆكاری سەرەكیش ئەنجامی هەڵبژاردنی شارەوانیەكانی توركیایە.

 

زانیاریی بەدەستهاتوو: سەرچاوەیەک لەنێو ئاکپارتی بە ئاڤا نیوزی گوت: هەنگاوەکانی لێپرسینەوە و لەسەرکارلادانی بەرپرسانی ناوخۆی ئاکپارتی دەستیپێکردووە و چەند بەرپرسێک لە پۆستەکانیان دوورخراونەتەوە، بەڵام تاوەکو ئێستا ناوەکانیان بۆ ڕای گشتی ئاشکرا نەکراوە.

هۆکارە زانراوەکان: لەسەرکارلابردنی بەشێک لە بەرپرسانی ئاکپارتی، بەهۆی کەمووکورییەکانیانە لە بەرپرسیارێتی بەرامبەر بە خەڵک و بە هۆکاری سەرنەکەوتنی ئاکپارتی دادەنرێت لە هەڵبژارنی شارەوانییەکانی 31 ی ئادار.

 

ئەمەش بزانە: ئەم هەنگاوەی ئاکپارتی بە مەبەستی خۆ ڕێکخستنەوەی نێو پارتەکە و ئامادەکارییە بۆ هەڵبژاردنەکانی داهاتووی سەرۆکایەتی کۆماری تورکیا.

باکگراوند: دوای ئەنجامی هەڵبژاردنەکانی 31 ئادار، ڕەجەب تەیب ئەردۆغان سەرۆک کۆماری تورکیا گوتارێکی بۆ جەماوەرەکەی دا، باسی لە چاککردنەوەی کەم و کورییەکانی نێو پارتەکەی کرد.