ماڵدیڤ جگەرەکێشان لە خوار تەمەنی 18 ساڵییەوە قەدەغە دەكات

ئاڤا نیوز

وڵاتی ماڵدیڤ کە بە دوورگەکانی ماڵدیڤ ناسراوە، لە باشووری ئاسیا، کڕین یان بەکارهێنانی تووتن بۆ کەسانی لەدایکبووی ساڵی 2007 بەرەو سەرەوە قەدەغە دەکات. 

زانیاریی بەدەستهاتوو: وەزارەتی تەندروستی ماڵدیڤ ئاشكرای دەکات، هەر کەسێک لە دوای مانگی یەکی ساڵی 2007 لە دایکبووبێت کڕین یان بەکارهێنانی تووتن لێی قەدەغە دەکرێت، وەزارەتەکەش ئەم هەنگاوە بە مەبەستی 'بەرەوپێشبردنی نەوەیەکی بێ تووتن' ناو دەبات.

زانیاریی زیاتر: ئەم بڕگە نوێیە، هەموو جۆرەکانی تووتن دەگرێتەوە، هاوکات فرۆشیاران پێویستە پێش فرۆشتن تەمەنی کڕیاران پشتڕاست بکەنەوە.

ئەمەش بزانە: لە  سەرەتای ئەمساڵ، محەممەد مویزوو، سەرۆکی ماڵدیڤ ئەم بڕیارەی دەرکرد، ئەمڕۆ كەوتە باری جێبەجێکردنەوە هاوکات لەکاتی دەرکردنی ئەم بڕیارە وتی، ئەمە دەبێتە هۆی پاراستنی تەندروستی گشتی و نەوەیەکی بێ تووتن بەرەوپێش دەبات.