دوای بەدواداچوونی ئاڤا سۆراغی گەنجە ڕفێنراوەکەی چەمچەماڵ ئاشکرا بوو

ئاڤا نیوز

دوای باسكردنی چیرۆكی گەنجێک لە ئاڤا میدیا كە ماوەی 25 ڕۆژە لەلایەن هێزێكی ئەمنیی یەكێتییەوە لە قەزای چەمچەماڵ "ڕفێنراوە"، سەر و سۆراغی ئەو گەنجە ئاشكرا دەبێت؛ لە ئاسایشی گشتیی سلێمانیە و بەڵێنیشیان داوە سبەی ئازادی بكەن.

چیرۆكی سەرەكی: گەنجێک بە ناوی بەشدار جەمال، تەمەن 21 ساڵ، لەلایەن هێزێکی ئەمنیی یەکێتییەوە لە قەزای چەمچەماڵ "ڕفێنراوە" و تا باسكردنی چیرۆكەكەی لە سەعات حەوتی دوێنێ سێشەممە، هیچ زانیارییەک لەبارەی چارەنووسییەوە نەبوو. هەر كە خانەوادەکەی داوای ئاشکراکردنی چارەنووسی کوڕەکەیان كرد و ئاڤا لە سەعات حەوت باسیكرد، ئاسایشی گشتیی سلێمانی پەیوەندیی بە كەسوكارییەوە دەكەن و پێشیان وتوون، "سبەی ئازادی دەكەن."

لێدوانی فەرمی: جەمال کەریم، باوکی بەشدار بە ئاڤای وت، "هەر كە هەوراز هەواڵەكەی خوێندەوە، تەلەفۆنێكمان بۆ هات، وتیان كوڕەكەتان سەلامەتە و لەلای ئێمەیە، با سبەی باوكی بێتە ئاسایشی سلێمانی و بەڵێننامەیەك بدات، دەستبەجێ ئازادی دەکەین."