پەیامێک لە سوودانییەوە لەبارەی کۆتاییهاتنی دەنگدانی تایبەت

ئاڤا نیوز

سوودانی پیرۆزبایی لە ئەندامانی هێزە ئەمنییەکان دەکات بە بۆنەی کۆتایی هاتنی دەنگدانی تایبەت و ڕایگەیاند: دووپاتی دەکەینەوە ئەرکی نیشتمانییمانە کەشێکی سەلامەت و سەقامگیر بۆ هەڵبژاردن فەراهەم بکەین و پاراستنی پرۆسەی دەنگدان لە هەر پێشێلکارییەک یان کارتێکردنێک.

بڵاوکراوەی فەرمی: محەممەد شیاع سوودانی، سەرۆکوەزیرانی عێراق ڕایگەیاند: ئەندامانی هێزە ئەمنییەکان پیرۆزباییتان لێدەکەم بەبۆنەی پراکتیزەکردنی مافی دەستووریی خۆتان و بەشداریی چالاکانە و هۆشیارانە و پابەندبوونتان لە هەڵبژاردندا.

دووپاتی کردەوە، "ئەرکی نیشتمانیمان ناچارمان دەکات کە ژینگەیەکی سەلامەت و سەقامگیری هەڵبژاردن دەستەبەر بکەین و پرۆسەی هەڵبژاردن لە هەر پێشێلکارییەک یان کاریگەرییەک بپارێزین، چونکە ئەو ئاسایش و سەقامگیرییەی ئەمڕۆ بەدەست هاتووە بەرهەمی هۆشیاری قوربانیدانی ئێوەیە.

سەرۆکوەزیرانی عێراق داوا دەکات، لە ئاست ئەم متمانە بین کە گەلەکەمان پێی داوین و با ڕۆژی هەڵبژاردن بکەنە ڕۆژێک کە ڕەنگدانەوەی هۆشیاری و دڵسۆزی کارمەندە ئەمنییەکان بێت بۆ نیشتمان، هاوکات هەڵبژاردنەکە بکرێتە نموونەیەک لە پابەندبوون، هۆشیاری و بەرگریکردن لە مافەکانی هاووڵاتیان بۆ مومارەسەکردنی مافە دەستوورییەکانیان.