لە دەنگدانی تایبەتدا سلێمانی و هەولێر بەرزترین و نەجەف نزمترین ڕێژەی بەشداریان هەبووە

ئاڤا نیوز

دەنگدانی تایبەت بۆ هەڵبژاردنی ئەنجوومەنی نوێنەرانی عێراق بۆ خولی شەشەمی 2025 کۆتاییهات، تێیدا بەرزترین ڕێژەی بەشداری لە هەولێر و سلێمانی بوو و نزمترین ڕێژەش لە پارێزگای نەجەف بوو.

چیرۆکی سەرەکی: ڕۆژی یەکشەممە 9ـی 11، بنکەکانی دەنگدان لە سەرانسەری عێراقدا دەرگاکانیان بەڕووی دەنگدەرانی دەنگدانی تایبەتدا بۆ شەشەمین خولی هەڵبژاردنی پەرلەمانی عێراق کردەوە.  ملیۆنێک و 131 هەزار و 980 دەنگدەر مافی دەنگدانیان هەبوو، لەگەڵ 26 هەزار و 538 ئاوارە. پرۆسەکە لە 809 بنکەی دەنگدان و 4,501 وێستگەی تایبەت بە دەنگدانی تایبەت بەڕێوەچوو.

ژمارەکان وا دەڵێن: بەگوێرەی ڕاپۆرتی کۆتایی کۆمیسیۆنی هەڵبژاردنەکان، ڕێژەی بەشداریی گشتی لە دەنگدانی تایبەتدا 82.42% بوو.

بەرزترین ڕێژەی بەشداری:

سلێمانی: 98.16%
هەولێر: 97.79%

کەمترین ڕێژەی بەشداری:

نەجەف72% 
بەغداد، ڕەسافە: 70.37%  

ئەوەی پێویستە بیزانیت: پارێزگاکانی دیکە و ڕێژەی بەشدارییان بەم شێوەیە بوون:

کەرکووک 84.15%
دیالە 87.21%
نەینەوا 87.20%
بابل 82.67%
زیقار 82.51%
دیوانییە 81.24%
بەغداد/کەرخ 78.23%
کەربەلا 78.4%
موسەننا 76.5%
سەڵاحەددین 75.64%
مەیسان 75.64%
بەسرە 75.22%
ئەنبار 75.29%
واست 75.42%
دهۆک 91.66%

لەلایەکی دیکەوە: جومانە غەلای، وتەبێژی کۆمیسیۆن لە لێدوانێکی ڕۆژنامەوانیدا ڕایگەیاند، "پرۆسەی ژماردن و جیاکردنەوەی دەستی و ئەلیکترۆنیی دەنگدانی تایبەت تەواو بووە و دەنگەکان هاوتای یەک بوون".