نێچیرڤان بارزانی: بەڵێن بۆ سەرۆک بارزانی دووپات دەکەینەوە لە خزمەتی گەل و نیشتمان بەردەوام بین

ئاڤا نیوز

نێچیرڤان بارزانی، جێگری سەرۆکی پارتی دیموکراتی کوردستان، بەبۆنەی سەرکەوتنی پارتی لە هەڵبژاردنەکان، پیرۆزبایی لە سەرۆک بارزانی و خانەوادەی شەهیدان و جەماوەری پارتی دەکات و دەڵێت، سوپاس و ده‌ستخۆشى و ڕێز و پێزانینى بێكۆتایى، بۆ هه‌موو ئه‌و دڵسۆزانه‌ى ئه‌رك و ڕه‌نجیان كێشا.

پەیامی فەرمی: لە پەیامێکدا، نێچیرڤان بارزانی، جێگری سەرۆکی پارتی دیموکراتی کوردستان، دەڵێت؛ له‌ ناخى دڵمه‌وه‌ به‌ گه‌رمى پیرۆزبایى له‌ جه‌نابى سه‌رۆك بارزانى و خانه‌واده‌ى سه‌ربه‌رزى شه‌هیدان و ئه‌ندامان و جه‌ماوه‌رى پارتى و گه‌لى وه‌فادارى كوردستان ده‌كه‌م بۆ سه‌ركه‌وتنى مه‌زن و مێژووییى پارتیمان له‌ هه‌ڵبژاردنى ئه‌نجومه‌نى نوێنه‌رانى عێراقدا. ئه‌م سه‌ركه‌وتنه‌، سه‌ركه‌وتنى هه‌موو كوردستان و عێراق و مایه‌ى شادى و شانازیى هه‌موومانه‌.

دەقی پەیامەکەی نێچیرڤان بارزانی، جێگری سەرۆکی پارتی دیموکراتی کوردستان:

له‌ ناخى دڵمه‌وه‌ به‌ گه‌رمى پیرۆزبایى له‌ جه‌نابى سه‌رۆك بارزانى و خانه‌واده‌ى سه‌ربه‌رزى شه‌هیدان و ئه‌ندامان و جه‌ماوه‌رى پارتى و گه‌لى وه‌فادارى كوردستان ده‌كه‌م بۆ سه‌ركه‌وتنى مه‌زن و مێژووییى پارتیمان له‌ هه‌ڵبژاردنى ئه‌نجومه‌نى نوێنه‌رانى عێراقدا. ئه‌م سه‌ركه‌وتنه‌، سه‌ركه‌وتنى هه‌موو كوردستان و عێراق و مایه‌ى شادى و شانازیى هه‌موومانه‌. 

سوپاس و ده‌ستخۆشى و ڕێز و پێزانینى بێكۆتایى، بۆ هه‌موو ئه‌و دڵسۆزانه‌ى ئه‌رك و ڕه‌نجیان كێشا، ماندوو بوون و به‌وپه‌ڕى جوامێرییه‌وه‌ كاریان كرد تا ده‌نگى پارتییان گه‌یانده‌ زیاتر له‌ ملیۆنێك و پارتییان كرده‌وه‌ به‌ حیزبى یه‌كه‌م. چاڵینجى ئێمه‌یان سه‌رخست و پارتییان به‌هێزتر كرد تاكو ده‌نگى له‌ به‌غدا دلێرتر بێت و بتوانێت باشتر بۆ جێبه‌جێكردنى ده‌ستوور و چه‌سپاندنى باشترى فیدراڵى كار بكات.
 
به‌ڵێنمان بۆ جه‌نابى سه‌رۆك بارزانیى ڕابه‌ر و گه‌وره‌مان دووپات ده‌كه‌ینه‌وه‌ كه وه‌ك هه‌میشه‌ له‌ژێر ڕێنمایى و فه‌رمایشته‌كانى جه‌نابیاندا، خزمه‌تى گه‌ل و وڵاته‌كه‌مان بكه‌ین و ببینه‌ پارێزه‌رى مافه‌كانى هه‌موو پێكهاته‌كانى كوردستان و عێراق. كار بكه‌ین بۆ ئه‌وه‌ى عێراق ببێته‌ وڵاتى هه‌مووان و هه‌موومان پێكه‌وه‌ داهاتوویه‌كى گه‌شتر بۆ كوردستان و عێراق فه‌راهه‌م بكه‌ین.

هه‌ر به‌م بۆنه‌یه‌وه‌ سه‌رمان له‌به‌رده‌م گیانى پاكى شه‌هیداندا داده‌نوێنین. به‌ ڕێز و شكۆوه‌ یادیان ده‌كه‌ینه‌وه‌.