نێچیرڤان بارزانی و باڵیۆزی ئەمریکا چۆنیەتیی بەهێزکردنی پەیوەندییەکانی هەولێر و بەغدا تاوتوێ دەکەن

ئاڤا نیوز

 

باڵیۆزی ئەمریکا لە عێراق لەگەڵ سەرۆکی هەرێمی کوردستان تاوتوێی بەهێزکردنی پەیوەندییەکانی هەولێر و بەغدا و پرسی هەڵبژاردنەکانی هەرێمی کوردستانیان کرد.

 

چیرۆکی سەرەکی: نێچیرڤان بارزانی، سەرۆکی هەرێمی کوردستان سەردانی بەغدای کرد و لەگەڵ سەرۆککۆمار و سەرۆکوەزیرانی عێراق، هاوپەیمانیی ئیدارەی دەوڵەت و باڵیۆزی ئەمریکا کۆبووەوە.

 

ڕاگەیێنراوی فەرمی: ئەلینا ڕۆمانۆوسكی، باڵیۆزی ئەمریكا لە عێراق ڕایگەیاند: "لەگەڵ سەرۆكی هەرێمی كوردستان گفتوگۆم کرد کە چۆن پەیوەندییەکی بوونیادنەر لەنێوان هەولێر و بەغدا دەتوانێت ئاسایش، سەقامگیری و ئابووری بۆ هەمووان بەرەوپێش ببات".

 

زانیاریی زیاتر: باڵیۆزی ئەمه‌ریكا باسی لەوەش کردووە کە هەڵبژاردنێكی ئازاد، دادپەروەر و شەفاف نوێنەرایەتیی حكومەتی هەرێمی كوردستان لە حكومەتی عێراق بەهێزتر دەكات.