بەحرەین گەورەترین لێبووردنی گشتی بۆ زیندانییان دەردەکات

ئاڤا نیوز  

بە فەرمانێکی شاهانەی پادشای بەحرەین، بەبۆنەی هاتنی جەژنی ڕەمەزان بڕیاری لێبوورنی گشتی بۆ  هەزار و 584 زیندانی دەکرد، ئەمەش بە گەورەترین لێبووردنی گشتی دادەنرێت لە ماوەی ساڵانی ڕابردوودا.

وێنە گەورەکە: میدیا فەرمییەکانی بەحرەین بڵاویان کردەوە، لە بڕیارەکەدا دیاری نەکراوە کە ئایا زیندانیانی سیاسی لێبووردنەکە دەیانگرێتەوە یاخود نا، بەڵام ئینستیتیوتی ماف و دیموکراسی بەحرەین کە بنکەکەی لە بەریتانیایە ڕایگەیاندووە، ئەگەری زۆرە ژمارەیەکیان لەنێو ئەو کەسانەدا بن کە ئازاد دەکرێن.

ئەوەی پێویستە بیزانیت: ئەمە گەورەترین لێبووردنی گشتی پادشای بەحرەینە کە لە ماوەی ساڵانی ڕابردوو  بۆ زیندانییان دەرکرابێت.

باکگراوند: دوابەدوای پەتای كۆرۆنا لە ساڵی 2020، وەزارەتی ناوخۆی بەحرەین ڕایگەیاند، هەزار و 486 زیندانییان ئازاد کردووە، کە 901 کەسیان بە "هۆکاری مرۆیی" لێخۆشبوونی شاهانەیان وەرگرتووە.