تەندروستی سلێمانی: شێرزاد حەسەن لە نەخۆشخانەیە و باری تەندروستی جێگیرە

ئاڤا نیوز

پێش نیوەڕۆی ئەمڕۆ دووشەممە لە نزیک گەڕەکی عەقاری تاکسیەک خۆی کێشا بە شێرزاد حەسەن، نووسەر و چیرۆکنووسی کورد، ئاڤا لە بەڕێوەبەرایەتی تەندروستی سلێمانی سۆراغی تەندروستی کردووە، ئەوان دەڵێن تەندروستی جێگیرە.

لێدوانی فەرمی: سامان شێخ لەتیف، بەڕێوەبەری ڕاگەیاندنی تەندروستی سلێمانی بە ئاڤای وت: ئەمڕۆ نووسەر شێرزاد حەسەن بە برینداری هێنرایە نەخۆشخانە، چارەسەری پێویستی بۆ کراوە و ئێستا تەندروستی جێگیرە و لەژێر چاودێریی پزیشکیە.

زانیاریی زیاتر: شێرزاد حەسەن لە ساڵی 1952 لە گەڕەکی تەیراوەی هەولێر لەدایکبووە. چوار کۆمەڵە چیرۆکە بە ناوەکانی ( ته‌نیایی، گوڵی ڕه‌ش، گه‌ڕه‌کی داهۆڵه‌کان و پیره‌ په‌پووله‌کانی ئێواران) بڵاوکردوەتەوە. لەگەڵ ئەوەشدا دوو ڕۆمان و سێ نۆڤلێتی بەناوەکانی ( پێده‌شتی کارمامزه‌ کوژراوه‌کان، ته‌می سه‌ر خەرەند، حه‌سار و سه‌گه‌کانی باوکم، خه‌ونی جاڵجاڵۆکه‌کان و ژنێکی منگن)  بە چاپ گەیاندووە. جگە لەمانە پتر له‌ 20 کتێبی وه‌رگێڕان له‌بواری شیعر، چیرۆک، ڕۆمان، شانۆگه‌ری، ده‌روونناسی، هونه‌ر، ڕاگه‌یاندن، کۆمه‌ڵناسی و سیاسه‌ت هه‌یه‌ که‌ له‌ ئینگلیزیه‌وه‌ کردوونی به‌ کوردی.