عێراق بۆ بەرهەمهێنانی کارەبا سوود لە ئەزموونی کوردستان وەردەگرێت

ئاڤا نیوز  

عێراق دەیەوێت بۆ پاڵپشتیکردنی کەرتی کارەبا پشت بە سەرچاوەی وزە نوێبووەوەکان، بە پلەی یەکەم وزەی خۆر ببەستێت، دوای ئەوەی كابینەی نۆیەمی حكومەتی هەرێمی كوردستان هەنگاوێكی لەوشێوەیەی نا.

وێنە گەورەکە: ڕۆژی دووشەممە 8-4-2024 لەژێر چاودێری ئەندازیار زیاد عەلی فازڵ وەزیری کارەبای عێراق، وەزارەتەكە دوو گرێبەستی لەبواری بەهەرمهێنانی کارەبا لە ڕێگەی وزەی خۆرەوە لەگەڵ کۆمپانیای تۆتال ئێنێرژی فەرەنسی واژۆ کرد.

زانیاریی زیاتر: ئەو دوو گرێبەستە بە ئامانجی بەرهەمهێنانی هەزار مێگاوات کارەبایە لە ڕێگەی وزەی خۆرەوە لە پارێزگای بەسرە.

لە لایەکی دیکەوە: دەستەی نیشتمانی بۆ بەرهەمهێنان لە مانگی شووباتی 2024 ڕایگەیاندبوو پلانیان هەیە تاوەکو ساڵی 2030، بە بڕی 12 هەزار مێگاوات کارەبا لە ڕێگەی وزەی خۆرەوە بەرهەم بهێنن.

باکگراوند: حکومەتی هەرێمی کوردستان لە ساڵی 2022وە بۆ بەرهەمهێنانی کارەبا لە ڕێگەی وەزەی خۆرەوە گرێبەستی لەگەڵ کۆمپانیاکانی کەرتی تایبەتدا کردووە، لەو ڕێگەیەشەوە توانیویەتی نزیکەی 30٪ی کارەبا لە وزە نوێبووەکان بەرهەم بهێنێت.

وێنە: ساتی گرێبەستەكەی وەزارەتی كارەبای عێراق