دەرچووانی زانکۆ و پەیمانگەکانی هەرێمی کوردستان دادەمەزرێن

ئاڤا نیوز

ئەندامێکی لیژنەی خوێندنی باڵا لە ئەنجوومەنی نوێنەرانی عێراق ئاشكرایكرد، سێ یەکەمەکانی دەرچووانی زانکۆ و پەیمانگەکان و هەڵگرانی بڕوانامەی ماستەر و دکتۆرا لەلایەن حکومەتی عێراقەوە دادەمەزرێن.

وێنەگەورەکە: دوو هەفتەیە وەزارەتی خوێندنی باڵای عێراق، فۆڕمی دامەزراندنی سێ یەکەمەکانی زانکۆکانی ساڵی 2022، هەڵگرانی بڕوانامەی ماستەر و دکتۆرای کاراکردووە، دەرچووانی هەرێمی کوردستانیش دەگرێتەوە، ئەوانەی کە دانیشتووی ناوچە دابڕێنراوەکانن.

لێدوانی فەرمی: "ساڵانە لە پشکی بودجەی ئاسایشی خۆراک و بودجەی حکومەتی عێراق یەکەمەکانی زانکۆ و پەیمانگەکان دادەمەزرێنێت، دەرچووانی زانکۆ  و پەیمانگەکانی هەرێمی کوردستانیش دەگرێتەوە بەو مەرجەی کارتی نیشتیمانیان سەر بە ناوچە دابڕێنراوەکان بێت." د. نەهلە ئەفەندی، ئەندامی لیژنەی خوێندنی باڵا لە ئەنجوومەنی نوێنەرانی عێراق ئەوەی بە ئاڤا نیوز گوت.

زانیاریی زیاتر: دەرچووانی بەشە ته‌ندروستی و پزیشکییەکان لەهەرێمی کوردستان، ئەوانەی دانیشتووی ناوچە دابڕێنراوەکانن لەلایەن وەزارەتی تەندروستی عێراقەوە دادەمەزرێن. د. نەهلە ئەفەندی ئەوەشی گوت.