سەرۆكوەزیران مەسرور بارزانی پێشوازی لە پڕۆفیسۆر ڕەشاد میران دەكات

ئاڤا نیوز

دوای ئەوەی لە ڕۆژانی ڕابردوو، لە ڕووسیا، خەڵاتی پوشكینی پێبەخشرا، ئەمڕۆ پڕۆفیسۆر ڕەشاد میران، لەلایەن سەرۆكوەزیران مەسرور بارزانییەوە پێشوازیی لێ كرا.

چیرۆکی سەرەکی: لە ڕۆژانی ڕابردوو و بەدیاریكراوی لە ڕۆژی جەژنی یەکگرتوویی نیشتمانیی ڕووسیا، لە ڕێوڕەسمێکی تایبەتدا، کە لە کۆشکی کرێملن بەڕێوەچوو، ڤلادیمێر پووتین، سەرۆکی ڕووسیا میدالیای پۆشکینی بە چەندین زانا و ڕۆشنبیری جیهان بەخشی، لەنێویاندا پڕۆفیسۆر د. ڕەشاد میران، وەک وەرگێڕ و مێژوونووسی دیاری کوردستان خەڵاتەکەی پێبەخشرا.

بڵاوكراوەی فەرمی: سەرۆكوەزیران مەسرور بارزانی لە لاپەڕەی خۆی لە فەیسبووك بڵاوی كردەوە: ئەمڕۆ پێشوازیمان لە کۆمەڵناسی ناسراوی کورد پرۆفیسۆر ڕەشاد میران کرد و دەستخۆشیمان لێکرد بۆ کار و بەرهەمەکانی و هەروەها پیرۆزبایی بەدەستهێبانی (خەڵاتی پوشکین )یشم لێکرد کە بەم دواییانە لە مۆسکۆ، لە لایەن سەرۆکی ڕووسیا بەڕێز ڤلادیمێر پووتین پێی بەخشرا.

زانیاریی زیاتر: پڕۆفیسۆر د. ڕەشاد میران یەکەم کەسایەتیی کوردە، کە هاوشانی کەسیاتییەکانی جیهان ئەم خەڵاتە وەردەگرێت و بەم بۆنەیەوەش یەکێتی نووسەرانی کورد پیرۆزبایی ئاراستەی ناوبراو دەکات.

باکگراوند: خەڵاتی پۆشکین لە ساڵی 1999ـەوە پێشکەش بەو کەسایەتییانە دەکرێت، کە لە بوارەکانی کولتووری، هونەری و زانستە مرۆڤایەتییەکان بەشداریی کاریان لە لێکۆڵینەوە، پاراستن و بەناوبانگکردنی فەرهەنگ و کولتووری گەلی ڕووسیادا هەبووە.