ترەمپ سەرجەم واژۆ ئەلیكترۆنییەكانی سەردەمی بایدن هەڵدەوەشێنێتەوە

ئاڤا نیوز

دۆناڵد ترەمپ، سەرۆکی ئەمەریکا هەموو ئەو بەڵگەنامانەی کە جۆ بایدن، لە سەردەمی سەرۆکایەتیی خۆیدا بە ئەلیكترۆنی واژۆی کردبوون هەڵوەشاندەوە.

  
وێنە گەورەکە: سەرۆکی ئەمریکا لە تۆڕی کۆمەڵایەتیی ترووس، جۆ بایدن بە "خەواڵو" ناودەبات و دەڵێت: هەموو ئەو بەڵگەنامانەی کە لە لایەن جۆبایدن بە ئامێری واژۆی ئەلیکترۆنی واژۆی کردووە هەڵوەشاندەوە و وەک خۆی دەڵێت: چونکە ئەو بەڵگەنامانە بە دەستی خۆی واژۆ نەکراوە بەڵكو ئەلیکترۆنییە، پوچەڵن و کاریان پێناکەم.

لێدوانی فەرمی: لە تۆڕی کۆمەڵایەتی ترووس تایبەت بە خۆی ترەمپ نووسیویەتی 92٪ـی هەموو بەڵگەنامەكانی بایدنی هەڵوەشاندووەتەوە و کاریان پێناکەم هەروەها ڕایگەیاند: هەموو فەرمانە کارگێڕییەکان و هەر شتێکی دیکە کە ڕاستەوخۆ لەلایەن "جۆ بایدنی گەندەڵ" واژۆ کراون هەڵدەوەشێنرێنەوە، چونکە خۆی واژۆی  نەکردووە بەڵکو ئەو کەسانەی ئامێری واژۆکەیان بەڕێوەبردووە، بە شێوەیەکی نایاسایی ئەو کارەیان کردووە".

ئەمەش بزانە: لە ساڵی 2011 ڕۆژنامەی نیویۆرک تایمز بڵاوی کردەوە، باراک ئۆباما بووە یەکەم سەرۆک بە بەکارهێنانی "ئامێری واژۆ ئەلیکترۆنی و دەتوانێت لەسەر فەرمانی ئەو یاسایەک واژۆ بکات لەکاتێکدا خۆی لە وڵاتێکی دیکە بێت.