بۆ یەکەمجارە کەسوکاری شەهیدان لە ڕێگەی پڕۆژەی "هەژماری من" مووچە وەردەگرن

ئاڤا نیوز

پڕۆژەی هەژماری من لە فراوانبوونە و ئەوانەی خۆیان لە پڕۆژەکە تۆمار دەکەن ملیۆنێک تێدەپەڕێنێت و ئەم مانگەش زیاتر لە 600 هەزار مووچەخۆر لە ڕێگەی ئامێرەکانی ڕاکێشانی پارەی پڕۆژەی "هەژماری من" مووچە وەردەگرن، هاوکات بۆ یەکەمجارە 10 هەزار خێزانی شەهیدان لەو ڕێگەیەوە مووچەکانیان ڕادەکێشن.

چیرۆکی سەرەکی: ئەمڕۆ شەممە 29-11-2025، وەزارەتی دارایی عێراق گوژمەی 941 ملیار و 874 ملیۆن دیناری بۆ مووچەی مانگی نۆ خستە سەر هەژماری بانكیی وەزارەتی دارایی و ئابووریی هەرێمی كوردستان و سبەی دەست بە دابەشکردنی دەکرێت.

ئەوەی پێویستە بیزانیت: بۆ ئەم مانگە 602 هەزار مووچەخۆر لە ڕێگەی هەژماری منەوە مووچە وەردەگرن و بۆ یەکەمجارە 10 هەزار خێزانی شەهیدان لە ڕێگەی هەژماری منەوە مووچە وەردەگرن.

ژمارەکان وادەڵێن: تا ئێستا 635 هەزار کارت دابەش کراون، بۆ ئەم مانگە 602 هەزار مووچەخۆر لە ڕێگەی هەژماری منەوە مووچە وەردەگرن، بەمجۆرەی خوارەوە: 

فەرمانبەری مەدەنی: 317 هەزار 
پێشمەرگە و ئاسایش: 196 هەزار 
خانەنشین: 78 هەزار 
خێزانی شەهید: 10 هەزار

گۆشەیەکی دیکەی دیمەنەکە: دابەشبوونی جوگرافی ئەو مووچەخۆرانەی لە ڕێگەی هەژماری منەوە مووچە وەردەگرن، بەمجۆرەیە:

هەولێر : 312 هەزار و 51
دهۆک: 160 هەزار و 266
سلێمانی: 129 هەزار و 864

ئەمەش بزانە: تا ئێستا 503 ئامێری ڕاکێشانی پارە ATM لە 200 شوێنی جیاوازی شار و شارۆچکەی هەرێمی کوردستان دانراون.