زیاتر لە 800 خانەنشینی مەدەنی ئەم مانگە مووچە وەردەگرن

ئاڤا نیوز

لە سبەیەوە مووچەی مانگی نۆ دابەش دەکرێت، خانەنشینانی مەدەنی چەند مووچەیەک بەیەکەوە وەردەگرن، ئەو خانەنشینانە دەگرێتەوە کە لەماوەی هەشت مانگی ئەمساڵ گەیشتوونەتە تەمەنی خانەشینی.

زانیاریی بەدەستهاتوو: سەرچاوەیەک لە بەڕێوەبەرایەتیی خانەنشینی هەرێمی كوردستان بە ئاڤای گوت، 832 خانەنشینی مەدەنی کە لەگەڵ لیستی مووچەی مانگی نۆ ناوەکانیان نێردرا بوو، مووچەکانیان وەردەگرن، کە بەشێکی دوو مووچە و هەندێکی دیکەیان سێ مووچە بەیەکەوە وەردەگرن.

زانیاریی زیاتر: بەگوێرەی زانیارییەکانی ئەو سەرچاوەیە، بۆ مانگی 10 زیاتر لە 800 فەرمانبەرانی هەرێمی كوردستان خانەنشین بوون و بۆ مانگی 11 نزیكەی هەزار فەرمانبەر خانەنشین دەبن، لیستەكەیان پێشكەش دەكرێت، ئەو فەرمانبەرانەی لە لیستی خانەنشینانی ئەم دوو مانگەش، دوو بۆ سێ مووچە بەیەكەوە وەردەگرن.

ئەمەش بزانە: بەگوێرەی خشتەی مووچە سبەی یەکشەممە، خانەنشینانی مەدەنی مووچەکانیان دابەش دەکرێت، سەرووی 45 هەزار خانەنشین بە دیجیتاڵی و لەڕێگەی ئامێرەکانی ئەی تی ئێم مووچەکانیان ڕادەکێشن.