دەست بە دابەشکردنی مووچەی مانگی نۆ دەکرێت

ئاڤا نیوز

سەرچاوەیەک لە وەزارەتی دارایی و ئابووری هەرێمی کوردستان ڕایگەیاند، ئەمڕۆ پارەی مووچەی مانگی نۆ بە کاش وەردەگیرێت و هەر ئەمڕۆ بەپێی خشتەی مووچە دەست بە دابەشکردنی دەکرێت.

وێنە گەورەکە: بەگوێرەی ئەو خشتەیەی لەلایەن وەزارەتی داراییەوە ڕاگەیێنراوە، لەماوەی سێ ڕۆژدا تەواوی مووچەخۆران بە کاش و لە ڕێگای هەژماری بانکییەوە دەتوانن مووچە وەربگرن. 

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان بە ئاڤا میدیای گوت: بەهۆی ئەوەی تاوەکو ئێستا پارە بە کاش لە لقی کوردستانی بانکی ناوەندیی عێراق وەرنەگیراوە، ئەمڕۆ یەکشەممە 30-11-2025، لە کاتژمێر هەشتی بەیانییەوە دەست بە ڕێکارەکانی وەرگرتنی پارە دەکەن.

کاریگەری و لێکەوتەکان: سەرچاوەکەی وەزارەتی دارایی ئاماژەی بۆ ئەوە کرد: بەهۆی ئەوەی ئەمڕۆ پارەی مووچە بەکاش وەردەگیرێت، تاوەکو پارە دەنێردرێتە شارەکانی تر وەکو سلێمانی و گەرمیان و دهۆک و سۆران کاتی دەوێت، بۆیە ئەمڕۆ لە کاتژمێر 12ەوە دەست بە دابەشکردنی مووچە دەکرێت.

ئەوەی پێویستە بیزانیت: بە گوێرەی خشتەی دابەشکردنی مووچەی لە هەژماری منەوە ئەمڕۆ یەکشەممە، مووچەی خانەنشینی شارستانی و پێشمەرگە، زیندانییە سیاسییەکان، بەرکەوتووانی کیمیاباران، کەسوکاری شەهیدان و ئەنفالکراوان، لەگەڵ وەزارەتەکانی: کاروباری شەهیدان و ئەنفالکراوان، پەروەردە، تەندروستی و خوێندنی باڵا، دابەش دەکرێت.

بە تەنیشت ئەم بابەتەوە: بۆ ئەم مانگە 602 هەزار مووچە خۆر لە ڕێگەی "هەژماری من"ەوە مووچە وەردەگرن و کارتی بانکیان وەرگرتووەتەوە.