ئاڤای خەڵک؛ ژمارەیەک کارگوزاری نەخۆشخانەکان لە کۆیە پێنج مانگە مووچەیان وەرنەگرتووە

ئاڤا نیوز

ژمارەیەک کارگوزاری نەخۆشخانەکان لە کۆیە کە ژمارەیان 170 کەسە و  کار بۆ کۆمپانیایەکی تایبەت دەکەن، ماوەی پێنج مانگە مووچەیان وەرنەگرتووە.

زانیاریی بەدەستهاتوو: ئەو کارگوزارانە بە ئاڤایان وت، پێنج مانگە دینارێكمان پێ نەدراوە و سكاڵاشمان تۆمار كردووە و هیچمان بۆ نەكراوە.

لێدوانی فەرمی: هەژار نەجات، بەرێوبەری کۆمپانیای لاست لیڤ، بە ئاڤای ڕایگەیاند: داواکاری ئەو کارگوزارانە ڕەوایە و ئەمڕۆ و سبەی مووچەیەكیان پێدەدرێت و هەفتەی داهاتووش مووچەیەكی دیكەیان پێ دەدەین.

گوتیشی، ئەوپەڕی هەوڵی خۆمان دەخەینە گەڕ بۆ ئەوەی لە ماوەیەكی كەمدا سەرجەم مووچەكانیان پێبدەین.

زانیاریی زیاتر: بەگوتەی هەژار نەجات، یەكێك لە هۆكارەكانی دواكەوتنی دابەشكردنی مووچەی ئەو كەسانە دەگەڕێتەوە بۆ دواكەوتنی خەرجكردنی پارەی چەكەكانمان، چەند زووتر پارەمان بۆ خەرج بكرێت ئێمەش زووتر بەسەر كارمەندەكان دابەشی دەكەین.