ئاڤای خەڵک؛ ئامێرەکانی شووشتنی گورچیلە لە نەخۆشخانەی دەربەندیخان لەکارکەوتوون

ئاڤا نیوز

بەهۆی لەکارکەوتنی ئامێرەکانی شوشتنی گورچیلە لە نەخۆشخانەی دەربەندیخان، نەخۆشانی گورچیلە کێشەیان بۆ دروست بووە، وتەبێژی تەندروستی سلێمانی دەڵێت، لەنزیکترین کات ئامێرەکان چاک دەکەنەوە و گرفتەکە چارەسەر دەکەن.

زانیاریی بەدەستهاتوو: چەند كەسێك كە نەخۆشیی گورچیلەیان هەیە و دانیشتووی شارۆچكەی دەربەندیخانن، پەیوەندیان بە ئاڤا میدیاوە کردووە، دەڵێن لە نەخۆشخانەی دەربەندیخان سێ ئامێری شووشتنی گورچیلە هەیە، بەڵام لەکارکەوتوون و نەخۆشەکان ناتوانن چارەسەری پێویست وەربگرن.

لێدوانی فەرمی: سامان شێخ لەتیف، وتەبێژی تەندروستیی سلێمانی، بە ئاڤای ڕاگەیاند: چەند ڕۆژێکە ئامێرەکانی شووشتنی گورچیلە لە نەخۆشخانەی دەربەندیخان لەکارکەوتوون، ئەو ئامێرانە پێشتر بە گرێبەستی حکومەتی فیدراڵ دانراون، ئەو کۆمپانیایەی کە ئامێرەکانی دانابوو و ئەرکی چاککردنەوەی لە ئەستۆدایە، ئاگادارمان کردووەتەوە، لەنزیکترین کات ئامێرەکان چاک دەکەنەوە و گرفتەکە چارەسەر دەکەن.

گوتیشی بە شێوەیەكی كاتی ئەو نەخۆشانەی كە لە دەربەندیخان هەن براون بۆ سلێمانی و لەوێ كاری شووشتنی گورچیلەیان بۆ كراوە.