عێراق لە سێ مانگی داهاتوودا غاز بەرهەم دەهێنێت

ئاڤا نیوز

عێراق بەهاوکاری کۆمپانیایەکی فەڕەنسی، وەک قۆناغی تاقیکردنەوە دەستدەکات بە وەبەرهێنانی غاز لە کێڵگەیەکی میسان.

وێنە گەورەکە: لە ماوەی سێ مانگی داهاتوودا، پلان هەیە عێراق لەگەڵ کۆمپانیای تۆتاڵی فەڕەنسی غاز بەرهەم بهێنێت و لە قۆناغی یەکەمدا 300 ملیۆن پێ سێجا غاز بەرهەم دەهێنێت.

لێدوانی فەرمی: حەیيان عەبدولغەنی، وەزیری نەوتی عێراق ڕایگەیاند: وەبەرهێنانی غاز بە مەبەستی کەمکردنەوەی بەفێرۆچوونی غازە و دەتوانرێت لە ساڵانی داهاتوودا پشت بەو غازە ببەسترێت، بە مەبەستی دەستخستنی کارەبا.

ژمارەکان وادەڵێن:

عێراق لە کێڵگەی ناسریە دەتوانێت 200 ملیۆن سێجا پێ غاز بەرهەمبهێنێت.
کۆمپانیای هیوزی ئەمریکی کار لە کێڵگەی ناسریە دەکات و %65 ی کارەکانی تەواو بووە.
پاڵاوگەی کەربەلا توانای پاڵاوتنی 140 هەزار بەرمیل نەوتی ڕۆژانەی هەیە.
پاڵاوگەی بێجی کە ئێستا کار دەکات توانای پاڵاوتنی 150 هەزار بەرمیل نەوتی هەیە.