مەسرور بارزانی لەگەڵ سەرۆكی ئیمارات دۆخی دوای هەڵبژاردنی عێراق تاوتوێ دەكەن

ئاڤا نیوز

ئەمڕۆ سەرۆکوەزیران مەسرور بارزانی، لەگەڵ محەممەد بن زاید، سەرۆکی ئیمارات کۆدەبێتەوە و گفتوگۆ لەبارەی دۆخی ناوخۆی عێراق دوای هەڵبژاردن و ناوچەكە بەگشتی دەکەن.

چیرۆکی سەرەکی: ئێوارەی ڕۆژی پێنجشەممە، مەسرور بارزانی، سەرۆکوەزیرانی هەرێمی کوردستان بە سەردانێکی فەرمی گەیشتە ئەبوزەبی پایتەختی وڵاتی ئیمارات، لەلایەن سەعید ئەلهاجری، وەزیری دەوڵەت لە وەزارەتی دەرەوەی وڵاتەکە پێشوازیی لێکرا، دواتر لەگەڵ شێخ سەیف بن زاید ئال نەهیان، جێگری سەرۆكوەزیرانی ئیمارات و وەزیری ناوخۆی ئەو وڵاتە دیدارێكی ئەنجامدا، تێیدا دوایین گۆڕانكارییەكانی عێراق و ناوچەكەیان تاوتوێ كرد، هەردوولا جەختیان لە گرنگیی برەودان بە پەیوەندیی دۆستانەی نێوان هەرێمی كوردستان و ئیمارات كردەوە.

زانیاریی تایبەت: لەمیانی سەردانەكەی بۆ ئیمارات و دیداری لەگەڵ بەرپرسانی باڵای ئەو وڵاتە، ئەمڕۆ هەینی، سەرۆكوەزیرانی هەرێمی كوردستان، لەگەڵ محەممەد بن زاید، سەرۆكی ئیمارات كۆدەبێتەوە و دۆخی ناوخۆی عێراق دوای هەڵبژاردن تاوتوێ دەكەن.