وەزیری دەرەوەی ئیسرائیل خامنەیی تاگ دەکات

ئاڤا نیوز

وەزیری دەرەوەی ئیسرائیل وەڵامی ڕێبەری باڵای ئێران دەداتەوە، هەڕەشەی وەڵامدانەوەی لێدەکات ئەگەر هێرش بکەنە سەر ئیسرائیل.

وێنە گەورەکە: خامنەیی جارێکی دیکە هەڕەشەی لە ئیسرائیل کرد و ڕایگەیاند هێرشکردنە سەر باڵیۆزخانەی ئێران لە دیمەشق لەلایەن ئیسرائیلەوە "کارێکی هەڵە" بوو و ئیسرائیل "سزا" دەدەن.وەزیری دەرەوەی ئیسرائیلیش لە تۆڕی کۆمەڵایەتیی ئێکس لە پۆستێکدا کە بە هەر دوو زمانی فارسی و عیبری نووسیویەتی خامنەیی تاگ کردووە و هەڕەشەی وەڵامدانەوە دەکات.

 

لێدوانی فەرمی: ئیسرائیل کاتز، وەزیری دەرەوەی ئیسرائیل، لە تۆڕی کۆمەڵایەتیی ئێکس نووسیویەتی: "ئەگەر ئێران لە خاکی خۆیەوە هێرش بکات، ئەوا وەڵاممان دەبێت و هێرشی دەکەینە سەر ئێران."

باکگراوند: لە هێرشەکەی ڕۆژی دووشەممەی ئیسرائیل بۆ سەر باڵیۆزخانەی ئێران لە دیمەشق حەوت ئەندامی باڵای سوپای پاسدارانی ئێران کوژران. بەرپرسانی ئێران چەندین جار هەڕەشەی وەڵامدانەوەیان کردووە.