بەراورد بە ساڵی ڕابردوو ئەمساڵ لە هەرێمی کوردستان زیاتر باران باریوە

ئاڤا نیوز

بەراورد بە ساڵی ڕابردوو، ئەمساڵ لە پارێزگاکانی هەولێر، سلێمانی، دهۆک و هەڵەبجە، بڕێکی زیاتر باران باریوە، لە پارێزگای کەرکووکیش بڕێکی کەمتر باران باریوە.

وێنە گەورەکە: ماوەی دوو ڕۆژە، شەپۆلێکی بارانبارین هەرێمی کوردستانی گرتووەتەوە، لە زۆربەی ناوچەکانی هەرێمی کوردستان بڕی باران بارینی ئەمساڵ لە ساڵێ ڕابردوو زیاترە.

ژمارەکان وا دەڵێن: بەپێی ئامارەکانی کەشناسی، جیاوازی بڕی بارانبارینی ئەمساڵ لەگەڵ ساڵی ڕابردوو تا ئەم کاتە بەمشێوەیە:

٠ هەولێر: ئەمساڵ 73.2 ملم باران باریوە، ساڵی ڕابردوو تا ئەم کاتە 32 ملم باران باری بوو، واتا ئەمساڵ 41.2 ملم زیاتر باران باریوە.

٠ سلێمانی: ئەمساڵ 258.7 ملم باران باریوە، ساڵی ڕابردوو تا ئەم کاتە 145.3 ملم باران باری بوو، واتا ئەمساڵ 113.4 ملم زیاتر باران باریوە.

٠ دهۆک: ئەمساڵ 124.2 ملم باران باریوە، ساڵی ڕابردوو تا ئەم کاتە 27.6 ملم باران باری بوو، واتا ئەمساڵ 96.6 ملم زیاتر باران باریوە.

٠ کەرکووک: ئەمساڵ 39.4 ملم باران باریوە، ساڵی ڕابردوو تا ئەم کاتە 70.4 ملم باران باری بوو، واتا ئەمساڵ 31 ملم کەمتر باران باریوە.

٠ هەڵەبجە: ئەمساڵ 224.3 ملم باران باریوە، ساڵی ڕابردوو تا ئەم کاتە 204.8 ملم باران باری بوو، واتا ئەمساڵ 19.5ملم زیاتر باران باریوە.