ئێران چوار لقی ڕووباری دیجلەی بڕیوە

ئاڤا نیوز

 

وەزارەتی سەرچاوە ئاوییەکانی عێراق ڕایدەگەیێنێت، ئێران چوار لقی ڕووباری دیجلەی بڕیوە و ئاراستەی چەند ڕووبارێکیشی گۆڕیوە کە دەڕژێنە ڕووباری دیالە.

 

بۆچی گرنگە؟ بەهۆی گۆڕانکارییەکانی کەشوهەواوە، عێراق ڕووبەڕووی ئاڵنگارییەکی دیکە دەبێتەوە. ئێستا نیوەی زەوییە کشتوکاڵییەکانی هەموو پارێزگاکانی ئەو وڵاتە مەترسیی بەبیابانبوونیان لەسەرە، کاریگەرییەکانی لەسەر ژینگە دیارترینیانه‌.

 

لێدوانی فەرمی: ئێرانمان لەسەر پێویستی بوونی هەماهەنگی لەبارەی ئەو ڕووبارانەی کە دەڕژێنە ڕووباری دیجلە ئاگادار کردووەتەوە، هەروەها بەغدا ڕەشنووسی یاداشتێکی لێکتێگەیشتن لەگەڵ تورکیا ئامادە دەکات سەبارەت بە دۆسیەی ئاو کە بڕیارە لە سەردانەکەی سەرۆککۆماری تورکیا بۆ عێراق واژۆ بکرێت". عون زیاب، وەزیری سەرچاوە ئاوییەکانی عێراق ڕایگەیاندووە.

 

ئەمەش بزانە: عێراق لەسەر ئاستی وڵاتانی عەرەبی لە پلەی پێنجەمی ئەو وڵاتانە دێت کە زۆرترین کاریگەری نەرێنیی گۆڕانکاریی کەشوهەوای لەسەرە.