حکومەتی عێراق لەبارەی داخستنی فڕۆکەخانەکان ڕوونکردنەوە دەدات

ئاڤا نیوز 

 

دەسەڵاتی فڕۆکەوانی عێراقی ڕایگەیاند، داخستنی فڕۆکەخانەکانی عێراق كاتییە و بۆ پێشگرتنە لە هەر كێشەیەكی ئەمنی و سەربازی.

 

وێنە گەورەکە: ئێران هێرشە درۆنییەکانی بۆ سەر ئیسرائیل دەستیپێکردووە و بڕیارە لە چەند کاتژمێری داهاتوودا لە ڕێگەی مووشەکەوە هێرشی ڕاستەوخۆ بکاتە سەر ئیسرائیل، بەهۆیەوە چەندین وڵات گەشتە فڕۆکەوانییەکانیان ڕاگرتووە.

 

ڕاگەیێنراوی فەرمی: دەسەڵاتی فڕۆکەوانیی عێراق ڕایگەیاند: ئاسمانی عێراق لە كاتژمێر 11:30 درەنگانی خولەک شەوی شەممە 14-04-2024 تاوەکو كاتژمێر 05:30 خولەکی بەرەبەیانی ڕۆژی دواتر بەڕووی هاتوچۆی فڕۆكە گەشتیارییەكان داخستووە.

 

ئەوەی پێویستە بیزانیت: دەسەڵاتی فڕۆکەوانیی عێراق ڕوونی کردووەتەوە کە داخستنی ئاسمانی عێراق كاتییە و بۆ پێشگرتنە لە هەر كێشەیەكی ئەمنی و سەربازی، داخستنەکەش بەپێی ستانداردە ئەمنییەكان دەبێت بۆ پاراستنی كەسانی مەدەنییە".