سێ شەپۆلی دیکەی بەفر و باران هەرێمی کوردستان دەگرێتەوە

ئاڤا نیوز


بەپێی پێشبینییەکان، سبەی شەو شەپۆلێکی دیکەی بارانبارین دەستپێدەکاتەوە و لە ناوچە شاخاوییەکانیش ئەگەری بەفربارین دەبێت.


لێدوانی فەرمی: شێخ دارا، شارەزا و پێشکەشکاری کەشوهەوای ئاڤا ڕایگەیاند، ئەمڕۆ بەراورد بە ڕۆژانی ڕابردوو پلەکانی گەرما بەرزتر بوو، بەیانیش بەهەمان شێوە کەشوهەوا خۆش دەبێت، بەڵام لە شەودا کاریگەریی دەریای سپیی ناوەڕاست دەگاتەوە ناوچەکە و بارانبارین دەستپێدەکاتەوە، لە هەمان کاتدا ئەگەری بەفربارینیش لە ناوچە شاخاوییەکان دەبێت.

زانیاریی زیاتر: شێخ دارا، ئاشکرای دەکات، بەپێی پێشبینییەکانی کەشوهەوا، تاوەکو کۆتایی ئەم مانگە ئەگەری بارینی سێ شەپۆلی دیکەی بەفر و باران لە هەرێمی کوردستان دەبێت.

ئەمڕۆ پلەکانی گەرما لە ناوچە جیاجیاکان لە هەر چوار پارچەی کوردستان بەم شێوەیە بوو:

هەولێر: بەرزترین 13 پلە و نزمترین 6 پلە.
سلێمانی: بەرزترین 10 پلە و نزمترین 3 پلە.
کەرکووک: بەرزترین 13 پلە و نزمترین 4 پلە.
دهۆک: بەرزترین 1 پلە و نزمترین 6 پلەی ژێر سفر.
هەڵەبجە: بەرزترین 11 پلە و نزمترین 1 پلە.
زاخۆ: بەرزترین 10 پلە و نزمترین 5 پلە.
ڕاپەڕین: بەرزترین 9 پلە و نزمترین 3 پلە.
سۆران: بەرزترین 4 پلە و نزمترین 3 پلەی ژێر سفر.
گەرمیان: بەرزترین 14 پلە و نزمترین 5 پلە.