شەپۆلێکی نوێی بارانبارین و بەفر ڕوو لە هەرێمی کوردستان دەکات

ئاڤا نیوز

لە ئەمشەوەوە شەپۆلێکی نوێی بارانبارین و بەفر ڕوو لە هەرێمی کوردستان دەکات؛ پێشبینی دەکرێت پاشنیوەڕۆی سبەی شەپۆلەکە بگاتە لوتکە و سپێتیی بەفر سەنتەری شارەکانیش بگرێتەوە.

چیرۆکی سەرەکی: بەپێی دوایین پێشبینییەکانی کەشناسی، ئەمشەو دەستپێکی شەپۆلێکی نوێی بارانبارین دەبێت لە شارەکان و بەفر لە چیاکان، هاوکات پێشبینی دەکرێت سبەی سێشەممە پاشنیوەڕۆ شەپۆلەکە چڕ دەبێتەوە؛ باران و بەفر سەرتاسەری هەرێم بگرێتەوە و ئەگەری بەفربارین لە سەنتەری شارەکان بەهێزە.

لێدوانی فەرمی: شێخ دارا حەسەن، شارەزای کەشناسیی و پێشکەشکاری ئاڤا میدیا گوتی: "پاشنیوەڕۆی سبەی شەپۆلەکە چڕ دەبێتەوە و ئەگەری بەفربارین لەنێو شارەکانیش هەیە؛ هۆشداریی دەدەینە شۆفێران کە بەهۆی تەمومژەوە پابەندی ڕێنماییەکان بن تاوەکو دووچاری ڕووداوی نەخوازراو نەبن."

زانیاریی زیاتر: تیمەکانی فریاگوزاری و هاتووچۆ خراونەتە حاڵەتی ئامادەباشییەوە، بەتایبەت لەو ناوچانەی کە مەودای بینین تێیاندا کەم دەبێتەوە. داوا لە هاووڵاتییان دەکرێت لە کاتی بەفرباریندا گەشتە ناپێویستەکانیان بۆ دەرەوەی شار دوابخەن.