شەپۆلێکی بەهێزی باران و بەفر هەرێمی کوردستان دەگرێتەوە

 

 

شەپۆلێکی نوێی بارانبارین و بەفر ڕووی لە هەرێمی کوردستان کردووە پێشبینی دەکرێت پاشنیوەڕۆی ئەمڕۆ شەپۆلەکە بگاتە لوتکە و بەفر سەنتەری شارەکانیش بگرێتەوە.

 

 

چیرۆکی سەرەکی: بەپێی دوایین پێشبینییەکانی کەشناسی، ئەمڕۆ سێشەممە، کاریگەریی ئەو شەپۆلە زیاتر دەبێت،  لەکاتەکانی ئێوارەدا رێژەی دابارین زیاتر دەبێت و هەندێک کات لێزمە باران دەبارێت و هەورە تریشقەی لەگەڵدا دەبێت و خێرای با زیاد دەکات بۆ سەروی 30 کیلۆمەتر لە کاتژمێرێکدا.

 

 

لێدوانی فەرمی: شێخ دارا حەسەن، شارەزای کەشناسیی و پێشکەشکاری ئاڤا، میدیا دەڵێت: "پاشنیوەڕۆی ئەمڕۆ شەپۆلەکە چڕ دەبێتەوە و ئەگەری بەفربارین لەنێو شارەکانیش هەیە، بایەکی ساردی بەهێز لەگەڵیدا هەڵدەکات و پلەکانی گەرما نزم دەبنەوە، هۆشداریی دەدەینە شۆفێران بەهۆی تەمومژەوە پابەندی ڕێنماییەکان بن تاوەکو دووچاری ڕووداوی نەخوازراو نەبن."

 

 

زانیاریی زیاتر: بەفر لە ناوچەشاخاوییە بەرزەکان دەبارێت و پلەکانی گەرما بەراورد بە دوێنێ 1 بۆ 2 پلە نزم دەبنەوە، نزمترین پلەی گەرما لە حاجی ئۆمەران تۆمارکراوە و بەرزترین پلەش لەهەولێر.

 

 

هەر گوێرەی پێشبینەیەکانی شێخ دارا، کاریگەریی شەپۆلەکە لە ڕۆژی هەینی کۆتایی دێت.

 

بەپێی پێشبینییەکانی کەشناسی هەرێم بەرزترین پلەکانی گەرمای پێشبینیکراو بە پلەی سیلیزی ئەمڕۆ بەم شێوەیەیە:

 

٠ حاجی ئۆمەران 1 پلەی سیلیزی 

٠ هەولێر 11 پلەی سیلیزی

٠ پیرمام 5 پلەی سیلیزی

٠ چۆمان 5 پلەی سیلیزی

٠ مێرگەسۆر 3 پلەی سیلیزی 

٠ سلێمانی 5 پلەی سیلیزی

٠ بازیان 7 پلەی سیلیزی

٠ چەمچەماڵ 5 پلەی سیلیزی

٠ دهۆک 9 پلەی سیلیزی

٠ زاخۆ 7 پلەی سیلیزی 

٠ کەرکوک 10 پلەی سیلیزی

٠ هەڵەبجە  8 پلەی سیلیزی

٠ کەلار 9 پلەی سیلیزی

٠ خەبات 11 پلەی سیلیزی