خۆپیشاندانەکانی ئێران کاریگەریی دەبێت لەسەر بازاڕەکانی هەرێمی کوردستان؟

 

 

بەردەوامی خۆپیشاندان و ئاڵۆزییەکانی ئێران کاریگەریی کردووەتە سەر قەبارەی بازرگانی هەرێمی کوردستان لەگەڵ ئەو وڵاتە، بەڵام کاریگەریی نابێت لەسەر گرانبوونی نرخی خواردن و کەل وپەلی هاوردەکراو.

 

 

لێدوانی فەمی: شێخ عەتا محەممەد، جێگری سەرۆکی گشتی یەکێتی هاوردە و ناردنکارانی هەرێمی کودستان، بە ئاڤای وت: "خۆپشاندانەکانی ئێران کاریگەریی تەواوی کردووەتە سەر قەبارەی بازرگانی نێوان هەرێمی کوردستان و کۆماری ئیسلامی ئێران چونکە بازرگانەکان مەترسیی لە چوونی بەرهەمەکانیان هەیە بۆ ئەو وڵاتە، پچڕانی هێڵەکانی ئینتەرنێتیش وایکردووە پەیوەندییەکانیان لەگەڵ بازرگانەکان و کۆمپانیاکان کەم بێتەوە."

 

 

جێگری سەرۆکی گشتی یەکێتی هاوردە و ناردنکارانی هەرێمی کودستان وتیشی: "لە ئەگەری بەردەوامی ئەو دۆخە لە ئێران بە ناچاری بازرگانانی هەرێمی کوردستان وەک جێگرەوە ڕوو لە تورکیا و وڵاتانی دیکە دەکەن.

 

 

٠ بەشێک لە بازرگانەکان زیاتر بەرهەمەکانی سەو زە و میوە و چەند کەلوپەلێکی هاوردەکەن. 

 

٠ لە ئەگەری بەردەوامی ئەو دۆخە و لاوازبوون یان وەستانی بازرگانی لەگەڵ ئێران کاریگەریی لەسەر بازاڕ و کەمبوونەوە و گرانبوونی نرخی کەلوپەل و خواردن نابێت. چونکە ئەزموونی سەردەمی کۆرۆنامان هەبووە و تەنانەت داخستنی مەرزەکانی هاوسنوور لەگەڵ ئەو وڵاتە بەڕووی هەرێمی کوردستان، کاریگەری نەبووە. 

 

 

زانیاریی زیاتر: هەرێمی کوردستان و کۆماری ئیسلامی ئێران هاوسنورن و لەڕووی کولتووری و بازرگانییەوە  پەیوەندییەکی مێژووییان هەیە و ساڵانە لە مەرزی نێودەوڵەتییەکانی حاجی ئۆمەران، پەروێزخان و باشماخ 30٪ بازرگانانی هەرێمی کوردستان کاری بازرگانی لەگەڵ ئەو وڵاتە دەکەن و قەبارەی بازرگانی ساڵانە هەرێمی کوردستان لەگەڵ ئێران شەش ملیار دینارە.