دوای کردنەوەی ئاسمانی عێراق؛ تەنیا دوو فڕۆکە لە ئاسمان دەبینرێت

ئاڤا نیوز

 

دوای ئەوەی دەسەڵاتی فڕۆکەوانی مەدەنی ڕایگەیاند، ئاسمانی عێراق به‌ڕووی فڕۆكه‌كان کرایەوە، تاوەکو ئێستا تەنیا دوو فڕۆکە بە ئاسمانی عێراقدا تێپەڕیون.

 

ئەوەی پێویستە بیزانیت: سیستمی بەدواداچوونی فڕۆکەوانی دیجیتاڵی دەریخستووە، ئاسمانی عێراق هیچ فڕۆکەیەکی پێدا تێناپەڕێت، جگە لە دوو فڕۆکەی "فەرەنسی و عێراقی".

 

زانیاریی زیاتر: یەکێک لەو فڕۆکانە فڕۆکەی فالکۆن - 900ـە کە فڕۆکەیەکی فەرەنسیی تایبەتە بەگواستنەوەی بازرگانان و بەشێوەیەکی سەرەکی هێزی ئاسمانی فەرەنسا بەکاردەهێنێت و لە هەولێرەوە بەرەو باشوور فڕیوە؛ سەبارەت بە فڕۆکەکەی دیکەش فڕۆکەیەکی ئێرباسە کە لە بەغداوە فڕیوە و بەرەو ڕۆژهەڵات یان باکووری ڕۆژهەڵات کە تاوەکو ئێستا نازانرێت بەرەو سلێمانیی یان دەرەوەی عێراق فڕیوە.

 

باکگراوند: سەرلەبەیانی ئەمڕۆ یەکشەممە 14-04-2024 دەسەڵاتی فڕۆکەوانی مەدەنی عێراق، کردنەوەی ئاسمانی عێراقی بەڕووی هەموو ئەو فڕۆکانە ڕاگەیاند کە ئاسمانی وڵاتەکە دەبڕن.