تەنیا لە یەک هەفتەدا  نرخی زێڕ 120 دۆلار بەرزدەبێتەوە

ئاڤا نیوز

نرخی زێڕ لە بازاڕەکاندا بەردەوام لە بەرزبوونەوەدایە، شارەزایانی بوارەکەش هۆکارەکانی بۆ کێشە جیۆسیاسییەکان و ململانێکانی نێوان سەرۆکی ئەمریکا و سەرۆکی ئەنجوومەنی یەدەگی فیدراڵی دەگەڕێننەوە.

لێدوانی فەرمی: د.مستەفا مەلا حەسەن، پێشکەشکاری زەنگی بازاڕ، لە ئاڤا میدیا ڕایگەیاند: "تەنیا لە ماوەی یەک هەفتەدا یەک ئۆنسە زێڕ 120 دۆلار و مسقاڵێک زێڕیش 40 هەزار دینار لە نرخەکانیان بەرزبووەتەوە."

زانیاریی زیاتر: ئەمڕۆ چوارشەممە، نرخی زێڕ لە بازاڕەکانی کوردستان و جیهان بەم شێوەیە:

٠ یەک ئۆنسە زێڕ بە چوار هەزار و 635 دۆلار.

٠ یەک مسقاڵ زێڕی عەیار 22 بە ملیۆنێک و هەشت هەزار دینارە.

٠ یەک مسقاڵ زێڕی عەیار 21 بە 962 هەزار دینارە.

٠ یەک مسقاڵ زێڕی عەیار 18 بە 825 هەزار دینارە.

ئەوەی پێویستە بیزانیت: سەبارەت بە هۆکارەکانی بەرزبوونەوەی نرخی زێڕ، د.مستەفا مەلا حەسەن دەڵێت: "هەڕەشە لە جیرۆم پاوڵ، سەرۆکی ئەنجوومەنی یەدەگی فیدراڵی کراوە، کەوا بدرێت بە دادگا و کەسێکی دیکە لە جێگەکەی دابنرێت، بارودۆخی جیۆسیاسیی ڕێگری لە ڕووسیا و چین بۆ کڕینی نەوتی ڤەنزوێلا و هەڕەشەکان لە ئێران، هۆکاریی بەزبوونەوەی نرخی زێڕن.