نرخی بەرهەمە کشتوکاڵییەکان لە سلێمانی زیاد دەکات و لە هەولێر و دهۆک جێگیرە

 

 

بەهۆی هاوردەکردنی بەرهەمە کشتوکاڵییەکان لە وڵاتی ئێران ڕێژەی گومرگ 70٪ لە سلێمانی زیادیکردووە، نرخی هەر کیلۆیەک 100 دیناری چووەتەسەر، بەڵام لە هەولێر و دهۆک نرخەکان نەگۆڕان وەک ڕۆژانی پێشترن.

 

چیرۆکی سەرەکی: ئەمڕۆ، لە گومرگی سلێمانی نرخی یەک کیلۆ خەیار لە 700 دینارە بەرزبووەتەوە بۆ 850 دینار، جگە لە بەرهەمەکانی میوە، پەتاتە، خەیار و کولەکە لە ئێرانەوە هاوردەی سلێمانی دەکرێت.

 

لێدوانی فەرمی: سەروەر عەلی، سەرۆکی لیژنەی سەندیکای کشتوکاڵی عەلوەی سلێمانی، بە ئاڤای ڕاگەیاند، "بەشێک لەبەرهەمە مزرەمەنیەکان و تەماتە لە خواروو و ناوەراستی عێراقەوە هاوردەی هەرێمی کوردستان دەکرێن بەگشتی 85٪ عەلوەکان بەرهەمی دەرەوەی هەرێمن ئەو باجەی لە خاڵە سنوورییەکان خراوەتە سەر ئەو بەرهەمانە کاریگەری لەسەر نرخی سەوزە و میوە هەیە."

 

زانیاریی زیاتر: ئاڤا بەدواداچوونی کردووە ئەو نرخانە لە عەلوەکانی هەولێر و دهۆک گۆڕانکاری بەسەردا نەهاتووە، بەشێکی نرخەکان بەمشێوەیەن:

٠ نرخی یەک کیلۆ تەماتەی عێراقی لەنێوان 600 بۆ 700 دینارە.

٠ نرخی یەک کیلۆ تەماتەی هاوردە 650 بۆ 800 دینارە.

٠ یەک کیلۆ خەیاری هاوردە 500 بۆ 700 دینارە.

٠ فاسۆلیای تەڕی هاوردە 1400 بۆ 1600 دینارە

٠ بیبەری سەوز 600 بۆ 700 دینارە.

٠ کاهووی خۆماڵی 500 بۆ 700 دینارە

٠ پرتوقاڵی هاوردە 700 بۆ 800 دینارە

٠ لیمۆ هەزار دینار بۆ 1250 دینار

٠ لالەنگی هاوردە 650 بۆ 800 دینارە