ئەم هەفتەیە بەفر و باران لە هەرێمی کوردستان دەبارێت

ئاڤا نیوز

 

بەگوێرەی پێشبینییەکانی کەشوهەوا سبەی یەکشەممە شەپۆلێکی دیکەی بەفر و بارانبارین هەرێمی کوردستان دەگرێتەوە، لە دوو ڕۆژی داهاتوو بە ئەگەری 80% بەفر لە سەنتەری شارەکان دەبارێت.

 

لێدوانی فەرمی: شێخ دارا، شارەزای کەشناسی و پێشکەشکاری ئاڤا میدیا گوتی: پێشبینی دەکرێت نیوەڕۆی ڕۆژی یەکشەممە 18-1-2026 شەپۆڵێکی دیکەی بەفر و باران بارین هەرێمی کوردستان بگرێتەوە، شەوی 19ـی مانگ تاوەکو 22ـی ئەم مانگە بە ئەگەری 80% بەفر لەناو سەنتەری شارەکانی هەولێر، سلێمانی، دهۆک و دەوروبەری شاری کەرکووک دەبارێت.

لە لایەکی دیکەوە: بەڕێوەبەرایەتی گشتیی کەشناسی و بومەلەرزەزانی هەرێمی کوردستان بڵاویکردووەتەوە، لە بەرەبەیانی زووی ڕۆژی یەکشەممە 18-1-2026، بارانبارین سەرەتا لە پارێزگای دهۆک دەست پێدەکات، تا ئێوارەی هەمان ڕۆژ پارێزگای هەولێر و هەندێ ناوچە لە پارێزگاکانی دهۆک و سلێمانی دەگرێتەوە، لە زۆربەی ناوچە سنوورییەکان و شاخاوییەکان بەفر دەبارێت، ئەم شەپۆلە بەفر و باران بارینە تا ڕۆژی سێشەممە 20-1-2026 بەردەوام دەبێت.

زانیاریی زیاتر: بەڕێوەبەرایەتی گشتیی کەشناسی و بومەلەرزەزانی، دووپاتی دەکاتەوە ڕۆژانی سێشەممە و چوارشەممە 20 و 21ـی ئەم مانگە بەهۆی نزمبوونەوەی پلەی گەرمی لە زۆربەی ناوچەکانی هەرێمی کوردستان شەختە دروست دەبێت.

پێشبینی دەکرێت بڕی باران بارین لە سەنتەری شارەکان و ئیدارە سەربەخۆکان بەمجۆرە بێت:

٠ هەولێر +8 ملیمەتر
٠ سلێمانی +5 ملیمەتر
٠ هەڵەبجە +2 ملیمەتر
٠ کەرکووک +5 ملیمەتر
٠ دهۆک +15 ملیمەتر
٠ زاخۆ +20 ملیمەتر
٠ سۆران +2 ملیمەتر
٠ ڕاپەڕین +10 ملیمەتر
٠ گەرمیان +1 ملیمەتر

پێشبینی دەکرێت بڕی بەفر بارین ئیدارە سەربەخۆکان و هەندێ ناوچەی شاخاوی بەمجۆرە بێت:

٠ حاجی ئۆمەران 15 بۆ 20 سانتیمەتر
٠ چۆمان 10 بۆ 20 سانتیمەتر
٠ پێنجوێن 5 بۆ 8 سانتیمەتر
٠ بیارە 2 بۆ 5 سانتیمەتر
٠ ئامێدی 15 بۆ 25 سانتیمەتر
٠ زاخۆ 1 بۆ 2 سانتیمەتر
٠ سۆران 10 بۆ 15 سانتیمەتر
٠ ڕاپەڕین 1 بۆ 2 سانتیمەتر