ڕووسیا: گومانمان نەبوو ئێران وەڵامی هێرشەکەی ئیسرائیل دەداتەوە

ئاڤا نیوز

لە پەیوەندییەکی تەلەفۆنیدا، وەزیرانی دەرەوەی ئێران و ڕووسیا لێکەوتەکانی هێرشەکەی ئێرانیان بۆ سەر ئیسرائیل تاوتوێ کرد و لایەنی ئێرانی ئامانجی هێرشەکەی بۆ هاوتا ڕووسییەکەی ڕوونکردەوە. 

لێدوانی فەرمی: ئەمیر عەبدوڵڵاهیان، وەزیری دەرەوەی ئێران بە هاوتا ڕووسییەکەی ڕاگەیاندووە، "ئەم هەنگاوە سنووردارە بە ئامانجی بەرپەرچدانەوە، سزادان و هۆشداریدان بوو بە ڕژێمی زایۆنی". 

زانیاریی زیاتر: ئەمیر عەبدوڵڵاهیان جەختی کردووەتەوە ئەگەر ئیسرائیل هەنگاوێکی نوێ دژی کۆماری ئیسلامیی ئێران بگرێتەبەر، ئەوا بەدڵنیاییەوە ئێران وەڵامێکی تووندتری دەداتەوە.

لە بەرامبەردا: سێرگی لاڤرۆڤ، وەزیری دەرەوەی ڕووسیا ڕایگەیاندووە: "ئێمە گومانمان نەبوو کە ئێران وەڵامی ئیسرائیل دەداتەوە. ئێمە لەو باوەڕەداین ئەم هەنگاوە لە سەر بنەمای وەڵامدانەوەیەکی بەرپرسانە و بە دانبەخۆداگرتنەوە کراوە."

بۆچی گرنگە: هێرشەکەی ئێران بۆ سەر ئێسرائیل گرژییەکانی ڕۆژهەڵاتی ناوەڕاستی زیاتر کردووە و وڵاتانی جیهان داوای دانبەخۆداگرتن لە هەردوو لا دەکەن.