تورکیا کوژرانی 16 گەریلای پەکەکەی ڕاگەیاند

ئاڤا نیوز

 

شەڕ و پێکدادانەکانی پەکەکە و تورکیا لە سنوورەکانی هەرێمی کوردستان بەردەوامە و تورکیا کوژرانی 16 گەریلای لەو سنوورە ڕاگەیاند.

 

وێنە گەورەکە: سوپای تورکیا لە قووڵایی 200 مەتر لە چیای ئاسۆسی سنووری هەرێمی کوردستان پێگەکانی پەکەکە دەکەنە ئامانج، چوار گەریلا لەو سنوورە و 12ـی دیکەش لە خواکوڕک دەکوژن.

 

ڕاگەیێنراوی فەرمی:  وەزارەتی بەرگریی تورکیا ڕایگەیاند: "سوپای قارەمانی تورکیا بەردەوامە لە هێرشەکانی بۆ  لەنێوبردنی تیرۆر لە سنوورەکانی عێراق".

 

بۆچوونی لایەنی بەرامبەر: میدیای نزیک لە پەکەکە هەواڵی هێرشەکەی چیای ئاسۆسی پشتراستکردەوە و کوژرانی گەریلایەکی ڕاگەیاند.