بلینکن: کۆبوونەوەیەکی باشمان لەگەڵ سوودانی هەبوو

ئاڤا نیوز

 

سەرۆکوەزیرانی عێراق لەگەڵ وەزیری دەرەوەی ئەمریکا کۆبووەوە و چەند پرسێکی گرنگیان تاوتووێ کرد.

 

بۆچی گرنگە؟ ئەمریکا سەردانەکەی سوودانی بە هەنگاوێکی گرنگ بۆ گەشەپێدانی پەیوەندییەکانی نێوان عێراق و ئەمریکا دەبینێت.

 

وێنە گەورەکە: ئەنتۆنی بلینکن، وەزیری دەرەوەی ئەمریکا و محەممەد تەمیمی وەزیری پلاندانانی عێراق لە کۆنگرەیەکی رۆژنامەوانیدا ئەنجامی کۆبوونەوەکەیان بە ئەرێنی وەسف کرد. 

 

بابەتی ستراتیژی: لە کۆبوونەوەکەدا باس لە پرسی نەوت، کشتووکاڵ، بەرزکردنەوەی ئاستی وەبەرهێنان لە عێراق و دامەزراندنی کۆمپانیا جیهانییەکانی غاز کرا.

 

ئەوەی پێویستە بیزانیت: سوودانی لە رۆژی شەممەوە چووەتە ئەمریکا، بڕیارە هەفتەیەک لە واشنتن بـمێنێتەوە و لەگەڵ بەرپرسانی ئەو وڵاتە کۆبوونەوەی هەبێت.