لێدوانی سوودانی لە کۆشکی سپی

ئاڤا نیوز

 

محەممەد شیاع سوودانی، سەرۆکوەزیرانی عێراق لەگەڵ جۆ بایدن، سەرۆکی ئەمریکا لە کۆشکی سپی کۆبووەوە و چه‌ند پرسێكی گرنگی هاوبه‌شی نێوان هەردوو وڵاتیان تاوتوێ كرد.

 

لێدوانی فەرمی: محەممەد شیاع سوودانی، سەرۆکوەزیرانی عێراق لە کۆشکی سپی ڕایگەیاند: "سەردانەکەمان بۆ کۆشکی سپی لە کاتێکی هەستیار و گرنگ دایە".

 

زانیاریی زیاتر: سوودانی پێیوایە جەنگی داعش بنەمایەکی سەرەکیی پەیوەندی نێوان ئەمریکا و عێراق بووە؛ ئێستاش کە پێدەنێنە قۆناغێکی نوێوە کار دەکەن بۆ ئەوەی پەیوەندییەکان لەگەڵ ئەمریکا  لە سەربازییەوە بگۆڕین بۆ هاوبەشییەکی تەواو.

 

ئەوەی پێویستە بیزانیت: لە 2008ـەوە ڕێککەوتنێکی ئەمنیی ستراتیژی لەنێوان ئەمریکا و عێراق هەیە، بەگوێرەی ئەو ڕێککەوتنە مانەوەی هێزە سەربازییەکانی ئەمریکا لەسەر خاکی عێراق ڕێکخراوە.