ڕاگەیێنراوی هاوبەشی کۆبوونەوەی نێوان سوودانی و بایدن

ئاڤا نیوز 

 

لە ڕاگەیێنراوێکی هاوبەشی ئەمریکا و عێراقدا هاتووە، واشنتن جەختی لەسەر گرنگی گەیشتنی نەوتی عێراق بە بازاڕە جیهانییەکان کردەوە و داوایکرد بەزووترین کات هێڵی نەوتی عێراق و تورکیا بکرێتەوە.

 

ڕاگەیێنراوی فەرمی: ئەمریکا داوای لە عێراق کرد کێشەکانی لەگەڵ هەرێمی کوردستاندا بەزووترین کات چارەسەر بکات، داوای لە هەولێر و بەغدا کرد بتوانن بگەنە ڕێککەوتن و پرسی مووچەی فەرمانبەرانی هەرێمی کوردستان یەکلاییبکرێتەوە.

 

زانیاریی زیاتر: جۆ بایدن پاڵپشتیی خۆی بۆ پەرەسەندنی دیموکراسی و ئازادی لە عێراق دەربڕی و ئاماژەی بەوەش دا کە ئەنجامدانی هەڵبژاردنێکی باش لە هەرێمی کوردستان، پرسی دیموکراسی بەهێزتر دەکات لە ناوچەکە. 

 

لەلایەکی دیکەوە: لە ڕاگەیێنراوی هەردوو وڵاتدا هاتووە، ''پەیوەندییەکانی عێراق و ئەمریکا لە ڕووی ستراتیجییەوە بەهێزتر دەبێت و لە کەرتە جیاوازەکاندا ئەمریکا هاوبەش و هاوکاریی عێراق دەبێت''.