حیزبوڵڵا بە درۆن هێرش دەکاتە سەر ئیسرائیل

ئاڤا نیوز

 

حیزبوڵڵای لوبنان بە دوو درۆن هێرشی كردە سەر ئیسرائیل و بەپێی زانیارییە سەرەتاییەكان، سێ كەس بریندار بوونە؛ سوپای ئیسرائیل دەڵێت، لێكۆڵینەوە لە ڕووداوەكە دەكەن.

 

لێدوانی فەرمی: سوپای ئیسرائیل ڕایگەیاند: "دوو فڕۆکەی بێفڕۆکەوان لە لوبنانەوە چوونەتە ژوورەوە و لە نزیک شارۆچکەی بەیت هیلێل لە باکووری ئیسرائیل تەقیونەتەوە".

 

بۆچوونی لایەنی بەرامبەر: حیزبوڵڵای لوبنان ڕایگەیاند: "بە دوو قۆناغ دەستمان بە هێڕشكردووە، ئەوانیش هێرش بۆ سەر سیستمی بەرگری و هێرش بۆ نێو خاکی ئیسرائیل بووە".

 

ئەوەش بزانە: ئەمە یەكەمجارە درۆن لە دەرەوەی ئیسرائیلەوە دەچێتە نێوە خاكەكەیەوە و سیستمی بەرگری هیچ ئاگاداركردنەوەیەک بە هاووڵاتیان نەدات.