میدیای ئیسرائیل: بڕیاری هێرشکردنە سەر ئێران دراوە

ئاڤا نیوز

 

ڕۆژنامەی ئۆرشەلیم پۆست بڵاوی کردووەتەوە کە ئیسرائیل بڕیاری داوە چۆن وەڵامی هێرشەکەی ئێران و بریکارەکانی بداتەوە، بەڵام هێشتا کاتی هێرشەکە یەکلانەکردووەتەوە.

 

لێدوانی فەرمی: چەند سەرچاوەیەك لەنێو ئیسرائیلەوە بە ڕۆژنامەی ئۆرشەلیم پۆستیان ڕاگەیاندووە: "بڕیاری كۆتایی لەبارەی هێرشكردنە سەر ئێران دراوە و ئێستا گفتوگۆكان لەو ئاستەدان كە شێوازی هێرشەكە دیاری بكرێت". 

 

ئەوەش بزانە: ئیسرائیل نایەوێت قەبارەی هێرشەکە هێندە گەورە بێت کە ناوچەكە بکەوێتە شەڕێكی گەورەوە.

 

باکگراوند: ئیسرائیل بە مووشەك هێرشی كردە سەر باڵوێزخانەی ئێران لە دیمەشق، ئێرانیش بە 300 مووشەك و درۆن هێرشێكی بەرفراوانی كردە سەر خاكی ئەو وڵاتە.