ڕەئیسی: ئامادەین بۆ ڕووبەڕووبونەوەی هەر هێرشێکی ئیسرائیل

ئاڤا نیوز

 

هەرچەندە ئیسرائیل هەڕەشە دەکات، بەڵام سەرۆككۆماری ئێران ئامادەیی وڵاتەکەی بۆ ڕووبەڕووبوونەوەی هەر هێرشێكی ئیسرائیل ڕاگەیاند.

 

وێنە گەورەكە: پرسی وەڵامدانەوەی هێرشەکەی ئێران لەلایەن ئیسرائیلەوە گەرمە؛ نەتەنیاهۆ و بەرپرسانی ئەو وڵاتە هەڕەشە دەکەن و سەرۆککۆماری ئێرانیش دەڵێت، وەڵامی بەهێزترمان دەبێت و ئامادەین.

 

لێدوانی فەرمی: ئیبراهیم ڕەئیسی، سەرۆككۆماری ئێران لەبارەی هێرشەکەی سەر ئیسرائیل ڕایگەیاند: "هێرشەکەمان ورد بوو، لە ئەگەری وەڵامی ئیسرائیلیش، وەلامێکی بەهێزتر و کاریگەرترمان دەبێت".

 

ئەوەش بزانە: ڕەئیسی پێیوایە هێزە سەربازییەکەیان، لە ئاستی جیهاندا وێنەی نییە و دەتوانن وەڵامی هەر هێرشکی دووژمنکارانە بدەنەوە کە دەکرێتە سەریان.